يا الله صبرني

هذه القصيدة : رثاء في اخي خالد يرحمه الله..
ببدأ احط احساس داخل قصيدي
واسقي قصيدي من داخل اعماق
اعماق تحكي واقع مجيدي
شبت شبوب النار من اسفل الساق
يوم اتذكر خالد عضيدي
احس بذنوب تغرقني اغراق
لازم اسوي شي يفيدي
اجر وثواب ماهيب تنعاق
حاولت انا انسى لكن لهيدي
تطلع مع انفاسي كنها تنساق
ابكتب اشعاري بحبر مديدي
ينتهي الحبر والشعر خفاق
وبنزل اشعاري وسط الجريدي
تحكي بقايا جرح مغرم ومشتاق
وبطلب من الله يعده شهيدي
ويطلع مثل نجم في السما براق
يالله صبرني على باقي نشيدي
لايجي للعين دمع والدمع دفاق
واليوم عندي سنين عديدي
لاهو جلب لي النوم وطول بالفراق
احسب الايام واكتم قصيدي
واقول يالله خذني للافاق
آفاق من خلق رب العبيدي
سبحان ما سوى وثبت بلا وثاق
وصفه كما وصف الذهب الجديدي
بالوزن غالي وترى الوصف سراق
يستاهله من كان قلبه جليدي
اللون ابيض وبالنظر حراق
ياويش طيرا ايتفرع للهديدي
يصيد صيده ويحوف الاعراق
واصبحت انا مثل العويدي
اسأل عن اللي صار والقلب خفاق
وبصبر القلب ونزفه يزيدي
ليمن يجي يوم ويشوف الاعناق
ليت العطايا تنعطي للفقيدي
لعطيه من الحسنات والرب رزاق
ولا زوده بآخر أجر في رصيدي
واطلب من الله يسكنه وسط الآفاق
وكل يوم يمر يقطع وريدي
وترى البحرمد وجزر وبه اغراق
حلفت ما بقى دونه قصيدي
لو يصبح الشعر مزاود بالاسواق
وبختم قصيدي براي سديدي
اسكر الباب واكتبه اغلاق