الله يخليك له حيثك وفيت

واشرقت ياسيدي من يوم جيت
يوم حلت في جزيرتنا ركابك
ضجت اصوات الفرح في كل بيت
خادم البيتين كل اللي أصابك
والله انا منه نشكي لا شكيت
شعبك اللي للعلا يوم اعتلى بك
ابتهج من فرحته يومك لفيت
مرحبا بك عند شعبك مرحبا بك
يالزعيم اللي على القمه رقيت
مرحبا واهلا وسهلا ياهلا بك
عد خطواتك لخير له مشيت
شف شيوخك سيد الجود وشبابك
يحتفون بطلتك حيثك بديت
ابتدى بك مجد شعبك وانتهى بك
وارتفع بك عزهم مجد وصيت
أنت للمظلوم يا مسرع جوابك
كم نصرت وكم عطفت وكم حميت
وانت خير كل مايمطر سحا بك
فيه تحيي بالعطا يا كل ميت
وانت لك همه بها ترقى صعابك
شامخ مجدك وبا لعز اكتسيت
وانت قمه في قساك وبا نسيابك
وانت ملهم با لبلاغة لاحكيت
وانت ما صكيت دون الشعب بابك
تقضي الحاجة وتجزل لاعطيت
وانت للمظلوم لامن اعتزى بك
فزعة المضيوم لامن انتخيت
شعبك اللي ابتهج بك واحتفى بك
أنت به يا سيدي يا كم حنيت
والعدو من نظرة عيونك يهابك
يدري انك صادق لامن نويت
من مهابة كلمتك يحسب حسابك
وانت ثابت ما تزعزعت وخشيت
وللحوار وللتعايش في خطابك
انفردت بمبدأ فيه اعتنيت
سيدي لو قلت في حضرة جنابك
من قصيدي بالوفا مليون بيت
والله اني ما اقدر احصي ربع مابك
من سجايا با لوفا فيها اعتليت
كل شعبك اقتنع بك واغتنى بك
الله يخليك له حيثك وفيت
******
أعيد نشر هذه القصيدة لنشرها يوم أمس بملحق الزلفي وجاءت أبياتها متداخله فنعتذر للشاعر ولمن يهمه الأمر
عطاالله بن سليمان العطاالله -
( الزلفي )