ساري: مانيب من يسمع كثير التهاديد

السامر يهدي مدارات مساجلة بينه وبين ساري

ساري الاسم الشهير في عالم الأغنية العربية حاليا ربما كان يعتقد البعض أن هذا الاسم هو اسم جديد في خارطة الشعر، مع العلم بأن ساري أشعاره وديوانه نشر قبل أكثر من عقدين، واليوم تنفرد مدارات شعبية بقصديتين إخوانيتين بين الشاعر ساري حيث هو البادىء وبين الشاعر الأمير عبدالعزيز بن سعود بن محمد (السامر) أهدانا إياها الأمير عبدالعزيز بن سعود وهو الشاعر المعروف والذي لايزال مستمرا في النشر والحضور الشعري.
القصيدتان حبَك بدايتها ساري بالصوت قائلا:
قالوا مخاوي قلت يا ناس تأكيد
أنا خويّه بالشرف والشهامه
له الغلا ياسعود مافيه تحديد
يالعاذل المسكين عقل النعامه
مانيب من يسمع كثير التهاديد
لاتهدد اللي مايغير حزامه
لوطالت الأيام تعطيه تجديد
عندي ولايلحق حزامي ملامه
تصدر أوامر مالها شرط أو قيد
شورك عمى ومفارقتك السلامه
أنا أعرف النمام محذور وبعيد
عن كل رجل ماتزعرع عظامه
وأتى الصدى من الأمير عبدالعزيز بن سعود:
نعم الصديق اللي تحدى هل الكيد
مايستمع للي كثير كلامه
ناسٍ تجيب القول من زيد وعبيد
يسعون طول أعمارهم بالنمامه
أخوان حنا لا خويٍّ ولاسيد
نمشي على درب الوفاء والكرامه
طير بلاجنحان لويطلب الصيد
مايرتفع لو كان قويت عظامه
ولايستوي بنيان من دون تشييد
يطيح لاهلّت عليه الغمامه