شعر الأمير عبدالعزيز بن سعود بن محمد آل سعود

ذايع الصيت

فى مثل هذا الأمير الانسان يطيب الشعر وتسمو معانيه لأن مواقف سموه النبيلة مشهودة .. وأعماله الخيرة التى عمت كل أرجاء الوطن العربى والاسلامى محل تقدير الجميع .. انه بحق ذائع الصيت فى كل مجد .. وسؤدد وكرم :
سلطان بك مجد المواجيب يختال
رفعت صيته فوق يا ذايع الصيت
الطيب لك من راس يا ماضي الأفعال
وإلا الشهامه عشقتك يوم هاويت
تحبها حب الوحش راس ماطال
وحب العباد المومنه حجة البيت
الطيب والله ما عطا غيرك اقبال
عطاك وجهه وانت ما عنه صديت
كم طاب بك يا طيب الفال من فال
والله من حظٍ حيا بك وهو ميت
ويطيب من طيبك يا بو خالد رجال
شوف العيون أكبر دليلٍ وتثبيت
حجاجٍ طليق وخاطرٍ به سعة بال
ما قال من كثر المواجيب مليت
كنك تعلم الغيب في كل الاحوال
تجي لك الدنيا على ما توريت
لو تضمر الفزعات حلٍ للاشكال
يبين في وجهك من الطيب ما أخفيت
ملهم صواب الرأي نقاض فتال
رأيٍ يشتت صاحي الفكر تشتيت
لا والله إلا يا بعد كل من قال