حلول اللغز

نشرنا في عدد الأسبوع الماضي لغزاً كتبه الشاعر عطا الله بن سليمان العطا الله وكان نصه:
يا ويش رجل ماشي بين نجسين
مصيون منهن طاهرٍ في مسيره
دامه حلال وحرّم الله الاثنين
عطوني اسمه في تراث الجزيرة
وبعد استبعاد الحلول التي جاءت ناقصة من حيث فنيات الشعر أو خطأ في الحل وكذلك التي كتبت بأكثر من بيتين اضطررنا لاستخدام القرعة لكثرة الحلول الصحيحة والصالحة للنشر فجاءت النتيجة كما يلي:
من خلقتي ضاري لصيد النياشين
الى اشتركت بشي جبت العسيره
واللغز حله واضح للفهيمين
حله «لبن» ياهل العقول البصيره
عيد الفليو الشراري القريات
ياللي طلبت الحل في صفحة العين
في نون عيني هالجزيرة.. جزيرة
الحل واضح واللبن فيه جنسين
أحدٍ عرف وأحد يدوّر لغيره
صالح غزاي البدراني الرس
ياماحلا المظهار نشوف بالعين
والحل من در البكار الصغيره
حلوٍ لبنها.. يشربونه ملايين
ما بين فرث ودم ياتيك خيره
مبارك بن محمد العجمي الرياض
يا مرحبا ترحيب غالي بغالين
يا مرحبا باهل الوجيه السفيره
واللغز واضح للرجال الفهيمين
هذا اللبن وأصحاب الأزياء خبيره
شبيب بن هذال السبيعي الخرمة
آخر ربيع بيوم تسعة وعشرين
طالعت لغزك في تراث الجزيره
واللغز حله ما يبي له براهين
در الحليب ولا يجي حل غيره
رائد نايف الحويماني
اقرا عليك الفاتحة ثم ياسين
خوف من الحساد يابن الجزيره
ماكل شاعر يفهم الدال والسين
الى عكسهن واللبن بالغزيره
حجي سليمان الحجي عنيزة
يازين تحليل المعاني بسطرين
نقرا ونكتب للوجيه السفيرة
وسبحان من صاغ اللبن وخرّجه زين
من بين دم وفرث نعمه كبيرة
فهاد عايض بن عمير الرياض
سبحان من أنزل على خلقه الدين
الواحد اللي نطلبه فضل خيره
اللي جعل في الدم والفرث شي زين
صافي اللبن يجري وياخذ مسيره
عبدالله بن فايز بن شاهر الرياض
عطاالله اسمع هرج كاشن ماهو دين
اللغز عندي واضح بتعبيره
من أربع حروف اسمه عشقه الملايين
حليب صافي مايبدل بغيره
سعد حسين النهار محافظة بقعاء
يابن عطاالله نذكر اسمه لكم زين
نوضح اسمه زين من شين غيره
سبحان رب يخرج الزين من شين
لغزك لبن ولا المصانع كثيره
محمد علي السالمي رفحاء
ارسل عليك الحل من قبل الاثنين
وابغاه ينشر في تراث الجزيرة
لو جيت لازم نحتلب لك من الضين
نعم الغذاء مشهور في كل ديرة
فهد الحزاب الرس
اللغز واضح ما يبي زود تخمين
عرفت أنا حله بمدة قصيره
قلته وانا ما دار بالفكر حلين
هذا اللبن ما ظنتي فيه غيره
راشد محمد الحجيلان حائل
يا مرحبا باللي بالالغاز ماشين
ياللي لكم في بحر الألغاز سيره
قريت لغز ما تخالف به اثنين
حلو اللبن لاربعت كل ديره
مشعان الوحداني حائل
الحمد للمولى على نعمة الدين
لله على خلقه فضايل كثيره
منها «اللبن» طاهر وهو بين نجسين
من بين فرث ودم يقطع مسيره
بكر بن عبدالواحد العوفي
لمدينة المنورةالنخيل
من بعد غيبه يالرجال العزيزين
ودي اشارككم بلغز الجزيرة
ذاك «اللبن» واضح ولافيه تخمين
ما بين فرث ودم يجري مسيره
سالم مقبل الغرابي القيصومة
هلا هلا بك يالجزيرة هلاوين
يامرحبا والفا هلا بالجزيرة
ألذ عندي من حليب البعارين
من خلفة بكرة على أول دريرة
أحمد الزبن العنزي بريدة
سر يا قلم واكتب من القاف بيتين
وأترك بيوت في ضميري كثيره
ذاك الحليب اللي مشى بين دربين
سبحان رب سخره في مسيره
محمد عيادة العجمي الخرج
يالله ياالمطلوب يا ناصر الدين
إنك تقدينا على كل خيره
هذا الحليب اللي خرج بين شيئين
ما بين فرث ودم دايم مسيره
عبدالهادي العرجاني الأفلاج الفايغية
يابن عطاالله لغزكم واضح زين
نعمه جعلها الله في كل ديره
من بين فرث ودم شربت ملايين
من در كل أنثى وجاك تعبيره
سعد الكثيري الحريق
لغز العطاالله ما يبي زود تبيين
ما بين فرث ودم مافيه غيره
لو بالحليب اتضيق كل الشرايين
عسى الربيع ايعود ويزود خيره
فهد بن عقيل الطويان بريدة
عطاالله اللي حطنا بين قوسين
ياالله عسا في الأمر ياالربع خيرة
قصده حليب مصدره عبر ثديين
هذا جوابه يا تراث الجزيرة
خالد محمد السياري الدرعية
يا شاعر الزلفي هلا ألف وألفين
اللغز يبغى فكر ناس خبيره
من بين فرث ودم يجري كما العين
حليب صافي له فوايد كثيره
مشاري خالد الدعجاني جدة
يا مرحبا يا راعي اللغز وأهلين
ترى اللبن معروف من دون حيره
هذا جواب اللغز والمرسل حسين
الله يكتب كل ما فيه خيره
حسين بن عبدالله الهاجري الرياض
لغز العطاالله واضح للفهيمين
حلالة الألغاز لو هي عسيرة
الحل بديود الغنم والبعارين
ومع البشر موجود في كل ديرة
زبن مقبل العنزي بريدة
يامرحبا عداد ماهلت العين
باللي وضع لغزه بوسط الجزيرة
ترى اللبن حله وهو بين نجسين
وارسلت حله جعلها لك سفيرة
عبدالله سعود آل سيف الأفلاج الخرفه
أهلا هلا باللي علينا عزيزين
نغلي هلا الزلفي بوسط الجزيرة
اللغز حله آي سته وستين
هو اللبن «بالنحل» ما فيه غيره
علي رشيد الرشيد رياض الخبراء
أزكى سلام به ورود ورياحين
مني لكم يابوحمد سار سيره
واللغر حله ياصلك يوم الاثنين
حله لبن ياهل الوجيه السفيره
سلطان التميمي الرس
يامرحبا ما بان نجم الكليبين
واعداد ماهبت سموم الظهيره
واعداد مادر اللبن سائغ زين
بالطيبين أهل الوجيه السفيره
هندي بن نابت الغياثات الأفلاج
ابشر ولك مني تحايا المحبين
وارسل لك اسمه في تراث الجزيرة
هذا اللبن بالعرق وبجنب عرقين
فرث ودم ومتحد في مسيره
ابراهيم محمد الشبرمي الدمام
لغز العطاالله زين وملبسه زين
والله عليم بغيبها والسريرة
«هو اللبن» والفرث والدم نجسين
والعالم الله والمعاني كثيرة
عطاالله مدوخ العتيبي الرياض
ياهل الوفا والعرف والمنطق الزين
سيف الحقيقة ما دخل في جفيره
مثل اللبن صافي ولاهوب لونين
والزين به ميزه ينسيك غيره
محمد عبدالكريم الغزي الزلفي
أهلا هلا يا ابن سليمان الفين
ذا حل لغزك برسله للجزيرة
حله لبن سود الجلود المزايين
ما بين دم وفرث سهل مسيره
معجب مطلق الشكره الأفلاج
قريت شعر للرجال المسمين
شعر يهز المقفلات اتعبيره
يا ناشد عن طاهر بين نجسين
حليب أحلى من المطر في غديره