المملكة تبكيه

فهد بن سلمان جته المنايا
فقيدٍة منا وحنا فقدناه
ابكيه انا والناس تبكي معايا
فهد علينا اليوم يا كبر فرقاه
لو يفتدى بالروح حنا فدايا
كل اليتاما والمعاقين تنعاه
فهد بن سلمان جزل العطايا
يالله عسى في جنة الخلد مثواه
وان حسناته راجحات ملايا
ابوه سلمان الوفا حي ملقاه
وجده أبو تركي ذعار السبايا
عزيت انا سلمان والكل عزاه
ومنهو يعزينا بذيب السرايا
وشلون ما نبكيه وشلون ننساه
مرحوم يا مروي كبود الظمايا
هو شمسنا هو ظلنا وين نلقاه
قلته وانا اللي صادق بالنوايا
لو هو يطيع الموت عنكم نحيناه
قلته وانا من روس شمر طنايا
يشهد لنا التاريخ وقت الملاقاة
ارواحنا لامرك نسوقه هدايا
سلمان ما لمناك لو قمت تنعاه
لو نثرت عينك دموعه سرايا
الغالي اللي كل ابونا خسرناه
عساه في رحمات رب البرايا
المملكة تبكيه اقصاه وادناه
البدو واللي ساكنين القرايا
وختامها صلوا عدد ما ذكرناه
على شفيع الخلق سيد البرايا
زبن مفلح العبدي الشمري