ياويلي عليه

الغرام الله عليه والله الله على الغرام
رددت نبضات قلبي الغرام.. الله عليه
ابتدأ قلبي يحبه والسهر جافى المنام
من يجيه النوم أصلاً والقمر ناوي يجيه
ابتديت أحب وأحلم واللي مثلي مايلام
والله إني من لمحته قلت هذا اللي أبيه
قبل أعرفه كان فجري لونه أشبه بالظلام
من عرفته والليالي لونها ماله شبيه
أن تكلم قال قلبي آه يا حلو الكلام
ينتهي حكيه وأنا أجلس أنتظر شي يحكيه
لمسته ياهي حنونه يلمس الطفل وينام
مره جاء يلمس ايديني ضاعت علومي بيديه
ضحكته عزفت موسيقى رايق وجوّه تمام
ومحد يدور سببها السبب دايم وجيه
مشيته إيقاع هادي حاله بحال الحمام
قلبه أبيض من نهاره طيبته منه وفيه
صح هو يمشي لحاله لكن يسبب زحام
ماهو ذنبه وش يسوي كل هالعالم تبيه
بعد كل اللي ذكرته اللي مثلي هو يلام؟
وش أسوي القلب شافه وقال يا ويلي عليه
شاعر سعودي