قصيدة استنكار

{ قصيدة استنكار لما حدث في"طيبة الطيبة"مهداة إلى الأمير محمد بن نايف بن عبدالعزيز, حفظه الله.
يا الله المعبود يا رب الجلالة
تفرج الكربة وترفع هالظلالة
زادت هموم المعنى واشتغاله
صارت الدنيا صراعات وحياله
وثق الشيطان بالأنفس حباله
لو حلم عقال والباقي جهالة
البلد ما هو بضاعة للدلالة
يا محللت الدمى مثل السبالة
ويش ذنب العابر إن نوخ رحاله
يعرف أن الأمن منبع هالرسالة
ثم يذبح في مشاهد من عياله
وش يقول الناس يا شلة سفالة
نصرة الإسلام مبداه وكماله
نصرة الإسلام بالعدل وجماله
ما يفيده لا قصيد ولا مقالة
غير أمر الدين والحكم العدالة
ننتخي بك يا محمد في عجالة
يوم أبو متعب تخير من رجاله
من سلايل عود يرميها جزاله
اذبح المفسد وقطع له وصاله
حكم ربي واضح وإن جا مجاله
خل من له عين وبراسه عقاله
يا كريم الجود يا ربي تعيني
عن ديار السلم والدين المبيني
والسبب ما شوفه بقلبي وعيني
والفتن ما تغيب يوم إلا تبيني
ضاعت الشيمة مع العقل الرزيني
وش يفيد الحلم لا من زاد ديني
عند معتوه يحسب إنه فطيني
مهلة الرحمن يتبعها يقيني
في ديار طيبة وأتم ديني
مع رسولٍ رحمة للعالميني
تو ما أسلم ما كمل له جمعتيني
ما تفيد أقوالنا والفعل شيني
والنوايا الطيبة يا عابثيني
شامل بالعدل غير المسلميني
لا غدى كل يقول أنا الأميني
جنبوا الإسلام كل المفسديني
يا ذخر نايف وذخر الآمنيني
فارس وأعطاه راية باليميني
ما تأخر فالبلاوي بعد حيني
المشارك والمؤيد والسيجيني
في القصاص نعيش والرب الظميني
يعتبر مما حصل للأوليني
خالد بن محمد العتيبي
قوات الطوارئ الخاصة