فرصتك لا تفوتك

اللي حدا لقلبه فحبك وسافرك
شوقه يغني (فرصتك لا تفوتك)
الصبح يصبح بك وفالليل يسهرك
مكفيه عن كل الحناجر سكوتك
حتى البيوت اللي تردد لشاعرك!
لو للسوالف وزن صارت بيوتك
الغيم عرشك والهبايب أوامرك
كم مال ثابت ميلته من ثبوتك
انا قبل لا اعرفك رايح ادورك
واليوم ادور موتتي قبل موتك
يكفيني اللي مرني من مشاعرك
من ضحكة عيونك إلى دفء صوتك
اقللك .. واطالعك واتكاثْرك
مابين تفاحك ومابين توتك
تنسى جمالك والمرايا تذكرك
ويطغى حلا ريقك على طعم قوتك
انفاسك العذبه بروحك تعطرك
وقلبي لبردك كوت والكوت كوتك