سطو الأكابر

بترك البوح لوجيه الورق والمحابر =واكبت الصوت لن الوقت سمعه لئيم
شوف مع كثر مازار القصيد المنابر =ماهما في مسامعنا للابداع ديم
وأنجبرنا على توسيع كل المعابر =وانكسرنا ولاعاد الشعر مستقيم
لان الانصاف ماعوّد على ماانت خابر =ولابقى الوضع في حاله وخبرك قديم
صاحبي وان سعى فالظلم سطو الأكابر =لاتلوم أمعه ولا تحاسب غشيم
خل صمتك لكسر الشعر بالصوت جابر =وخل صوتك على ضعف المسامع رحيم
ياكثر ماصدور الشعر صارت عنابر =يوم صارالفضاءبعيون الأحرف جحيم
لمني في ضفاف الصمت من قبل أثابر =وأنصدم في بلاهة فكر(منجب)(عقيم)
مات حلمي وعيت تحتضنه المقابر =وصرت اشيله وانا من بعد موته يتيم
أبعدوني ودمع البعد ماهوب عابر =وأقربوني وأنا أبعد عن مداهم وأهيم
وأنصرالشعر وأترك للزمن وجه غابر =يكتنفهم وأنا مع ندرتي مستديم
وكل هذا وأنا أبشرك مقفي وصابر =نظرتي للفضاء وخطاي صوب النعيم