شمس أبجدية

يارب هذا الطريق افعى تفح وعتمة اعشاب=ظلمه وطين وبلل وعظام ناس اموات حية
الليل غابة ونبض انفاس صدري فاس حطّاب=تستنبت النار فاكهة الشتا شمس ابجديّة
من سلّة الريح من غيم الصدف لابلل ثياب=من رجفة اللون من تفّاحة البرد الشهية
والشارع الصمت نهر اسود من المطاط جلباب=يقرا صدى خطوة العابر ملامح سرمدية
ياموت وبيوت حارتنا علب سردين وتراب=ترى التعدّي لغير اوّل قرابينك زرية
الريح تصفر وينعق طير بوم وتنبح كلاب=ويضج صمت المدينة كلنا نذر المنية
قلت المدينه تثاوب في وهن ونعاس الابواب=والناس من غير تلقي بال تلقي بالتحيّة
ابسألك صاحبي خايف ومتردد ومرتاب=كم من سؤال يموت وينولد ويموت فيه؟
هذا الحذر والتوجّس في الملامح ماله اسباب=هذا الترقب وهذا الريب والخوف المعيّة
الصبر طبع الجمل طيّب عرفنا سر الاعجاب=هذا الوفا في الكلاب الوافية طبع وسجيّه !!
ابسألك صاحبي واقسى كما يقسون الاحباب=وجهك هو القاتل المقتول من فيك الضحيّة ؟
عمرك مجرّد زمن تافه غبي جوف الزمن ذاب=من منبع الليل الى صبح المصبّات القصية
للجوع مخلاب من قال ان ماللجوع مخلاب؟=لا في الثرى ضاجعتك ولا ارضعتك الرازقية
ياحكمة الطيش ليش نخلد الاسما والالقاب ؟=مايمكن اسم الورود اشواك واسم الشمس فيه
لو للغموض المبين وللبيان الغامض كتاب=محدٍ بقى لي عليه ولابقى لاحدٍ عليّه
عرفتني كنت انا صاحبك واصحابك لي اصحاب=امد لمصافحك يدّي تصافحني يديه؟
ابسألك عن ملامح وجه طفلٍ في القرى غاب=غيّبت ..والا القرى ياطفل غابت فيك هيه
قلت القرى واجهشت لك في البلاد رعوش الاعناب=والمشمش المسقوي واغصان لوزه عثريّه
والما تقول بكظايمها زبرجد في المدى راب=والعشب مجدول بخيوط الصباحات الندية
ابسألك صاحبي غمّض عليها جفن واهداب=ياما لصبح القرى من وشوشات الما هنية