عاش من تعّب الحكام بدروبه الشريعة محكمها وحاميها يتعب اللي يحاول ياخذ اسلوبه عاش قايد مسيرتنا وبانيها واصل السير والخطوات محسوبه لين نالت بلدنا كل امانيها وعاش ابو خالد اللي كم تغنوا به في غيابه ليال الشوق نحصيها وفي قدومه نصوغ الشعر بعذوبه رحبت فيه دارٍ عاد غاليها دوب زان القصيد لشاعره دوبه هاك غن القصيدة يامغنيها راية العز في الميدان منصوبه شوف الأبطال ترفعها وتحميها فوقها كلمة التوحيد مكتوبه نعتقدها ونتمثل معانيها يوم قيل الجنوب توجهوا صوبه فز للجنة اللي صدق باغيها وإحتمينا جبل دخان والخوبه ندهم القوم ونهدّم محاجيها والله إنا على الأخصام عاقوبه ربعنا في اللقاء محدٍ يجاريها قول للخاسر اللي كثرت ذنوبه ديرة العز ويش خلاك تغزيها انت منكوب واللي معك منكوبه شلة ابليس تحشدها ونفنيها يوم جتنا لسوق الموت مجلوبه مثل جلب الغنم للي يذكيها سقتها صوبنا بافكار مقلوبه وبعمايل تسود وجه راعيها مادريت إن قدمك نار مشبوبه مثل ماقيل تحرق رجل واطيها والفناجيل قبل الحرب مشروبه من دلالٍ على الحروة نسويها دارنا ماهي بهقوات مطلوبه يقطع الياس منهو طامعٍ فيها دونها كل قرم مشمرٍ ثوبه ينطح القوم ويحطم هقاويها من رجالٍ بفن الحرب موهوبه تشعل النار وتردد عزاويها لاعتزينا نجيب النصر باعجوبه عادةٍ من قديم الوقت نحييها نذبح الخصم وإلا يعلن التوبة توبةٍ بعدها ماعاد يثنيها ودوب زان القصيد لشاعره دوبه هاك غن القصيدة يامغنيها
