( ذهب )

ارضك ذهب يابلادي وامسياتك غرام
نسايمك ريح هيل ومنهج اهلك بياض
بردك دفا المعدمين وفي هجيرك سلام
خير على الكل وصدور المواقف رياض
قبلة ومهبط وحي وتظم خير الأنام
تحت ثراها بعد هديه على الكون فاض
منها السلام ابتداء والنور فج الظلام
ارعودها تسكب الماء لين سارت فياض
حرة سمت عن دعاة الشر والانقسام
مصيونة العرض مادانت لفكر المراض
احدودها من على عبدالعزيز الامام
اطرافها حد سيف وقلبها بالرياض
اجبالها شامخة وافجوجها ماترام
عز ومهابة وفيها كل عجلان راض
ياهيه يالي عليك الذل والموت حام
ضاقت عليك الوسيعه والطوال العراض
ماخذتها بالكرامة يوم جاتك شمام
لويتها لين حتى كل مطنوخ هاض
واليوم هاذي بلادي حدها مايرام
نسيمها ريح هيل ونهج اهلها بياض