في ليلة رديح جمعت بينهما في ينبع البحر .. القريشي: ما انت على الحق ناصرنا.. تنظر وطرفك عنه تفضيه

بين قطبي الرديح الشاعرين الراحلين عايد القريشي واحمد الكرنب يرحمهما الله وخلال مناسبة جمعتهما في ينبع البحر قبل ما يقارب نصف قرن.
ندعوكم لمشاركتنا قراءة ما دار بينهما في لحن "سلام" والذي كان على النحو التالي:
عايد:
فتشت ماضي دفاترنا=لقيت قاضي الهوى ماضيه
باللي نشوفه وينذرنا=اخطر من اللي نرى ياتيه
الكرنب
اسمع فالقول حاضرنا=قبل المثل اخذه واعطيه
ولنك تأكدت سايرنا=حنا قانونه معك نجريه
عايد:
حاور فالقول صادرنا=يمديك تقراه وتقريه
اما تأيد وتعذرنا=ولا ترى ما ترى وانهيه
الكرنب:
هذا على قيد خاطرنا=بعد اطلاعي على قافيه
اما سوى في الحكم سرنا=ولا انتكاتف على صافيه
عايد:
نبغى نصدر اوامرنا=برأي واحد سوى نمضيه
ما دام صفوه يعكرنا=نشطب سجله ابد نلغيه
الكرنب:
عن انسنا لو تقاصرنا=نخشى يجي يوم في طاريه
يجرح فؤادك ويجرحنا=ونسير كلاتنا نبكيه
عايد:
ياما اشتكينا وعبرنا=وانت تجاهل بما نعنيه
ما انت على الحق ناصرنا=تنظر وطرفك عنه تغضيه
الكرنب:
ما دام بانت اشابرنا=الانس لو باعنا نشريه
ومن عاد يبقى يناصرنا=يسلم الانس باللي فيه