هناء عصام يا جماعة فكرونى لو سمحتم لما ابقى رئيسة جمهورية ابقى اعمل اعلان دستورى فيه قوانين استثنائية تتضمن الاعدام شنقا لكل واحد بيكسر على اللى جواره بالسيارة عشان يدخل شمال و هو اساسا ماشى اقصى اليمين بقاله ساعة ...و الاعدام رميا بالرصاص لكل واحد ماشى عكسى و كمان مش عاجبه و بيبلطج ويشوح بيديه ...و الاعدام بالكرسى الكهربائى لكل سيارات النقل التقيل و النقل الخفيف اللى مستخفه نفسها و ماشية تجرى ع الدائرى و المحور ...و الاشغال الشاقة المؤبدة للى حرض و خطط وأمر و نفذ اماكن المطبات ف مصر ...اما بقى اللى بيركن صف تانى و يقفل عليك و يشد الفرامل و يمشى ده بقى هاتوهولى ف المكتب عندى انا هتصرف مع الزبون ده بنفسى !!!!!!!! عايزة ابقى اكتب الكلام ده ف النوته بتاعه مهام المنصب عشان مانساش بس برضه فكرونى احتياطى *** حبها او اكرهها .. اختلف معاها او مع اسلوبها ... اتضايق من طريقتها او من بعض مواضيعها لكن ماتنكرش ان برنامج صبايا الخير عمل مميز مختلف مثير للجدل خارج بره الصندوق !!!! تحية من قلبي لريهام سعيد عن حلقة قناة السويس اللي بشوفها دلوقتي.. تحيه للمخرج وللمصور و لكل العاملين ف الحلقة.. تحيه لقناة النهار.. تحيه لكل واحد فيهم نقلنا مشاعر الناس اللي شغالة هناك و قد ايه بيسابقوا الزمن... تحيه لكل كادر و كل صورة.. تحيه لاختيار مزيكا رائعة ف الخلفية... تحيه لكل اللي فاهم يعني ايه اعلام !!!!!!!!!!! تحيه من قلب مذيعة تعمل بالتلفزيون المصري الرسمي للدوله اخرها تقعد ف استوديو مع نفس الضيوف مع نفس المواضيع مع نفس الكادرات مع السلام عليكم عليكم السلام ... تحية مع غصه مع زعل مع تساؤل احنا ليه مش بنعمل كده؟!؟ ليه محرومين من ممارسه الاعلام ده ؟؟؟؟؟ الاعلام المبدع المميز المختلف!! ليه تحولنا لموظفين حكومة همنا الوحيد الحلقة تتذاع عشان نقبض اخر الشهر؟؟؟ ايه الامكانيات الرهيبة يعني ف انك تاخد كاميرا وعربية و تروح تصور بالشكل المختلف الجميل ده؟؟ ليه مش قادرين نفهم ان الصورة اقوى الف مرة م الكادر الثابت الممل المتكرر ؟؟؟؟ ليه قتلتوا روح العمل جوانا؟؟ ليه قتلتوا روح الابداع ؟؟ روح التغيير ؟؟ روح التميز ؟؟ ليه قتلتوا الروح فينا اساسا و بقينا مكن ؟؟!؟!؟! لا و مستغربين اوى ليه الناس مش بيحبوا شغلنا ؟؟؟؟ بسيطة .... لما نبقى نحبه احنا الاول !!!!!!!!! خسارة ... بجد خسارة. إعلامية بالتلفزيون المصري إعلامية بالتلفزيون المصري
