( ياحلم..)

حديث ذات .. وذات حديث !.. = عطني يمينك يا فرح لجل أنجّيك
انهض وشوف أحلام عمرك غريقه = إلى متى تبقى حبيسٍ ل ماضيك
والى متى ماضيك وانته صديقه = احلم على قدّك وحلمك مقديك
وارسم مقاسات الطموح العتيقة = في خارطة يمديك والا ما يمديك
الحلم دوله وانت دوله شقيقه = العجز ما أنقذ عصور المماليك
من عصرهم لا تحتفظ في وثيقه = افتح على حلم المعالي شبابيك
و ب كل صبح يغازلك في بريقه = يا حلم وانت العمر وشلون أخليك
ما غبت يا أجمل حلم عني دقيقه
زرعت صدر البيت في جال واديك = إلين صار العجز كله حديقه
تدري وش اتمتم إذا حل طاريك = الحلم هذا كيف يصبح حقيقه
وأقول لا صارت عيوني تراعيك = جعل الظروف القاسيه في حريقه
تاهت خطاوينا وتاهت خطاويك = ولا لقينا ل المقابل طريقه
صرنا حديث اشفاه مثل المساويك = المعتبر من وضعنا بلّ ريقه
ل أتفه سبب .. تقول كنّي معاديك = تضيع مثل الصدق بين الخليقه
صوت الحزن في نبرتي يوم أناديك = مثل الشقيق اللي يناجي شقيقه
انت الفقيه اللي شعوري مواليك = وانا الضريح اللي مليته ب ضيقه
مدري وش أسوي على شان اراضيك = محتاج لك والبعد والله ما اطيقه
عندي أمل إن الأمل باقيٍ فيك = تبقى لو ظروفي تحاول تعيقه
دام الأمل اسمك ف لاني مسميك = في مولدك ذبحت ياسي عقيقه
ان جيتني اهلاً وتُشكر مساعيك = وان رحت .. تبقى حلم منت ب حقيقيه