تذكار أحلامي

يبس غصن السنين ورمّد الما في عيون النور=عويل وبلبلة عمر يموت بداخل إبهامي
سرحت أنادي بهذا الزمن :ليه الحياة تدور ؟=وعشقي لو بغيته ينحني ، بيموت قدامي ..
يا نآصر هالزمن ثقبٍ كبيرٍ يكشف المستور =اشوف الناس تسرق منه عمرٍ من سما اوهامي
لذا صاروا بعيني هالبشر من دنسهم والبور=يلوعني زفير انفاسهم في خنقة ايامي
سكون ودوزنة كهفٍ يموت بجرحه المسرور =وضجة ريح تتكاثر تبي تستنشق إلهامي
احاكي هالجدار اللي نقش عينه من الديجور=واقطف من رموشه نور يضوي عتمة اقدامي
اطبطب للقلم تكفى ابي تكتب زمن مقبور =وابي تنسج على جال الورق تذكار احلامي
لأني حيل اتصبب عرق من كوني المقهور=وصرت انزف الم روحي واطهّر جرحي الدامي
سنيني اقطعي صوت الصدى في جفني المهجور =ابي صوت :ينادي يا عيوني عالسهر نامي
ابي صمتٍ يحسسني وجودي صمتي المبتور=وابي ألعق بقايا وحدتي وانفث لا اعوامي
تعبت اكتب على هذي الحياة من السطور سطور=واتهجى السما صرخة ألم في رعشة اقلامي
تعبت اكتب وانا انسج شعوري من سقيم شعور=تعبت اكبت على نفسي ارتوائتي ، وانا ضامي
تعبت استشهد لحبي وطن من عمري المقصور =واقول اني انا عاشق وانا مصلوب بحزامي
خلاص ارجوك يا صدر الحياة اللي كفنها صدور=تعبت اموت واحيا بك وانا في عمري الطامي
تعبت اكون نور وكل شيء في دنيتي مسكور =لأن بخاطري انظر الى ظلّي وهو حامي
ياناصر هالزمن شقٍ عليل بريحة المخمور=يرنّح كل ارواح البشر ويرنّج آلامي
وانا للحين اسأل هالزمن :ليه الحياة تدور ؟=او اني من دوار الراس دارت فيني ايامي