صيرفيات

سهرنجي للفجري
فركنجي يجي
أبو اسره وليليا السهرة
خارج البيت مع البشكة
ووقت السفر مع الشلة بره
وكل دا مأخطيت أما انها عكة
حقوق المدام فين
والاولاد لشوفتك
يوم للحظة مشتاقين
لثوابك لعقوبتك
رامي حمولك علي أمهم
هي أبوهم ياهو انت لمهم
خلاص افتر خلاص قر
أنت زي المنطر يوم استقر
بالحنان لهم اظهر بحب اكبر
بيتك مسؤوليتك وخاف ربك
اليوم هنا دنيتك والله حسبك
عود لولدك وبنتك
ضمهم بقلبك
اصحي من غفلتك
وشوف مين حبك
***
كلمنجي يحكي
خاصمنجي يشكي
معقول اللي سمعته
غريبه دي شكوته
اخوان اشقاء من شوية هروج
كان الفراق بينهم ليه ياخدوج
اختك ولا أخوك
فرقه وخصام
من امك وابوك
ولاحتني سلام
ايش الكلام
زاد الخصام اللي حاصل حرام
ديننا الاسلام مايقبل دا الكلام
ناس حاولت وحاولت
استغربت جدا وتسألت
المدة تطاولت
في قال وقالت
عيب والله عيب
كده مابين الاخوان
ولاحتى نسيب
يلعب بكم الشيطان
شهر الصوم ماهز مشاعركم
ولا الخصام ..
أبعدكم وشعتركم؟
مين يسبق التاني في الجنة
مابينكم مخطي وجاني ولجنه
الرحمة التسامح بالحب
والعفو عند المقدرة
وامحوا احقاد القلب
تجدوا من ربنا المغفرة