طلبا للتحقيق الرسمي ... إمارة القصيم تستقبل شكوى ثلاثة مواطنين حرّفت ولفّقت جريدة الرياض تصاريح صحفية لهم من أجل امتداح سوق تمور عنيزة ..!!

قدم المواطنون مشعل الشاوي ومحمد المهنا وعبدالله المحيميد من أبناء مدينة بريدة شكوى رسمية لإمارة منطقة القصيم بخصوص ماتم تلفيقه من أحاديث صحفية تحت أسمائهم في جريدة الرياض في سياق التغطية الصحفية لمهرجان التمور بمحافظة عنيزة حيث تم الزج بأسمائهم في أحاديث تمتدح سوق عنيزة وتحاول المساس بسمعة أسواق المنطقة الأخرى ..
وبحسب مصادر مطلعة ل (عاجل) فستأخذ الشكوى مجراها القانوني خاصة وأن الهدف من تلك التلفيقات الصحفية لم يكن ايجابيا ويتسبب بشرخ العلاقات بين أبناء الوطن الواحد كما أن ذلك فيه اتهام مبطن بسوء الأسواق الأخرى للتمور بالمنطقة ..
المواطن مشعل الشاوي وهو أحد الذين تم نشر تصريح صحفي باسمه دون أن يتفوه بكلمة قال لصحيفة (عاجل) :ليس القصد من إثارة الموضوع إثارة الحساسية أو تأجيج الصراع بل توضيحا للحقيقة والوقوف بصوت واحد ضد كل مزيف ومشكك بأمتنة وذمم الآخرين وعدم استغلال الناس لتحقيق مكاسب خاصة هي للدناءة أقرب من منها للإعلام المشرف)
المزيد من تفاصيل القضية المنشورة ب (عاجل ) اضغط هنا
كيف الحال ..!!؟؟
نعود ونقول ليست بجديده على صحيفة الرياض هذه الاكاذيب والتلفيق وتزييف الحقايق وخاصه مكتب عنيزة الذي شوه سمعة هذه الصحيفة وفقدت مصداقيتها فلم تعد تقراء مثل صحيفة الجزيرة التي اتسمت بالحياديه والتماس هموم المواطن السعودي وخيردليل رعايتها لمهرجان تمور بريده والتميز في التغطيه الاعلاميه مع مراعاة الامانة الصحيفة اتمنى من الاماره النظر في الموضوع اكثر جديه ومحاسبة المراسلين....
على فكره جريدة الرياض لم تخدم عنيزة ابد الا من خلال المهرجانات والاكاذيب اما في غير هذا لافائده منها اتمنى ان يتم اغلاق المكتب واستبداله بغيره من الصحف مثل عكاظ بارك الله فيكم ياعاجل في كشف الحقائق
والله فشلتونا
يعني ما قدرتوا تتفوقون على مدينة التمور
قلتوا نقلل من شأنها
الله يفشلكم
القصيم تشوه بسببكم
والله لو يشكون بيديهم ورجليهم مايطلع لهم شيء
تقولون وش يدريك ؟؟؟
أقول الله يسلمكم : ذولا شافوا الجريدة والتصريحات وقاموا خروا وهذوا المسباح كله وهات ياحش بسوق بريدة
ويوم راحت السكرة وجت الفكرة قالوا لهم جماعتهم وشلون تقولون هالكلام؟؟
قدموا شكوى.
أقول ياولد المحيميد والشاوي والمهنا اثقلوا واعقلوا وخلوكم واقعيين
عنيزة تمرها يتميز بالجودة وعدم دخول السيارات مما يجعله نظيفاً من الغبار والعادم وكذلك نظافته من الكيماويات
تمر بريدة السوق كبير ولكن كل التمر أو اغلبه يأتيكم من الخبوب وعيون الجواء والأسياح والشماسية والبكيرية والشيحية
خلونا واقعيين ولافيها شيء انكم تمدحون سوق عنيزة
الا اذا كانت العنصرية هي المحرك لكم فهنا أقف!!!!
كبروا عقولكم
الى هذه الدرجة العنصرية مؤثرة فيكم
تعجبوني والله
لازم يوقف عند حدهم امثال الصحفي
الاخو متوهق يحسب اسامي الناس لعبه
راح وطي
يا خي واللع العظيم خير ما سويت علشان يتأدب غيره
وبعدين وش هالجهل اللي بالصحفي
كل هذا علشان يرفع اسم عنيزة على بريده
لكن بدري عليك يا بابا عنيزة حي من أحياء بريده الله يصلحك
أنا ملاحظ هاليومين ان فيه حمله شرسه على جريدة الرياض ابتداءً من نشرها خبر محاولة خطف طفلين في المدينة المنورة ونفيه من قبل شرطة المدينة ونشر النفي ثم عادت جريدة الرياض واكدته . وانتهاءاً بهذا الخبر ؟
وأعتقد أنه يجب عدم اقحام القاريء بهذه المشاكل
ابو بندر الشماسية اذكر الله
والله ما العنصرية والحقد إلا عند امثالك
يا امة ضحكت من جهلها الامم
صدقوني الامير ذكي ولن يمرر حركات البزران تلك
فحوى الشكوى في غاية التفاهه ومخجل جدا ونستحي والله نسولفه ونحن ابناء القصيم لكن امير القصيم سيضع حد لتلك التفاهات ويؤدب الكبار حتى يتعلم الصغار
وش فيها لو مدحنا عنيزة ولا مدحنا بريدة كلنا بلد وحدة والله انكم مكبرين السالفة واعتقد ان بريدة وعنيزة كلها القصيم وانا مو من القصيم بس كل تمر القصيم حلو سواء من بريدة ولا عنيزة وتركوا عنكم الامور اللي مالها اي داعي
إلى هذا الصحفي الغبي
يعني ما تقدر تمدح عنيزة إلا بلمز بريدة
والله هذا الحمق بعينه
أنا أعرف الشاوي ويقول والله لم أتكلم بكلمة واحدة
اتق الله أيها الصحفي
لقد أحدثت فتنة
لابد أن تصدر اعتذارا لأهل بريدة ولهؤلاء الذين تقولت عليهم
اولا يابو بندر الشماسيه كونك تلقب نفسك بهاللقب هذي اكبر عنصريه ثانيا تراكم
ذبحتونا قال التمر وقال التمر ترى فيه شركه اوروبيه دخلها السنوي اكثر من دخل
الدول العربيه مجتعه ..... اقول ادعو للباكستانيين اللي قايمين بكل شي هم اللي
يركبون النخل وهم اللي يخرفون التمر وهم اللي يجلبون للسوق التمر ... وعيالكم
بالاستراحات يتابعون المسلسلات التركيه الله يكرمكم
صحية الرياض تعودنا منها دائماً بأن لاتنشر الا الأخبار المسيئة لمدينة بريدة
ودائماً نجد اي خبر ضد بريدة يكون في الصفحة الرئيسية
يازين الجزيرة والوطن والشرق الأوسط والرياضي
ولا ننسا صحيفة عاجل
Evening_bird@hotmail.com
السلام عليكم ورحمة الله وبركاته
تقبل الله منا ومنكم الصيام والقيام
بصراحة انا من القصيم لكن لست من بريده ولامن عنيزه
وصحيح ان العلم يرفع اقواما وارى من يتكلم بالعنصرية بينهما من الجهلة ومن اصحاب التفكير السطحي
واتذكر يوم كنت صغيرا وحضرت حفلة في نادي النجمة على شارع الملك عبد العزيز بمناسبة حصولهم على الكاس وطلب الجمهور من الفنان عبد العزيز الهزاع تقليد لهجة بريده ولهجة عنيزه فماذا قال ؟بريدةهي عنيزة وعنيزة هي بريدة / فلله درة من جواب شافي الجم به افواه الجهلة
اقول الكذب ليس من شيمة المسلم لاكن الى متى ونحن نختلف من اجل مدح مدينه او ذم اخرى او لماذا تقولني وانا لم اقل اختلاف لفظ واتفاق معنى
اليس من الاحسن ان تجاوز هذه المرحله ونبتعد عنها لانكن على قدر من النديه والحقد
امتنا مستهدفه لابد ان نتفق مهما اختلفنا مااجمل تفادي المواقف وعدم التدقيق والوقوف في كل معوج الرجل يبقى على قوته واقدامه لايتضعضع ولايكن صلبا يضع نفسه شعرة معاويه يرخي لنفسه وقت شدتهم ويشد وقت ارخائهم كان الله في العون
وشعارنا مهما اختلفنالابد ان نتفق
حسب اللوائح الجديدة
سوف تقوم امارة المنطقة باحالة المعاملة الى وزارة الاعلام
الوزارة ستخاطب جريدة الرياض
الجريدة ستطلب من المحرر او الصحفي كتابة تقرير خطي باللي حصل
بعد وصوله ستحيله الجريدة الى الوزارة فان كان مع المحرر دليل مادي كتسجيل او كتابة سينتهي الامر وتحفظ المعاملة وان ادين المحرر
وزارة الاعلام ستطلب في النهاية نشر توضيح بحجم ولاعة السجائر
هذا هو السيناريو الذي سيحصل خذوه من خبير في هذه المسائل وصاحب تجربة
مشكلة قنيزة مشكلة كبيرة
الحمد لله على نعمة العقل
قاعدين نتهاوش على سالفة تمر
صحيح ان عقولنا صعيره
وش عاد انتم وهالسوق تراكم غثيتونا ... اللي يشوفكم يقول سوق ومهرجان طيرات من صنعنا
اقسم بالله عمري ماشفت اصغر من هالعقول
روحوا شوفوا بلاد الدنيا كيف متميزين بصناعاتهم وتقدمهم وحنا للحين نضاري على شان حبة تمر
الله يفشلكم بس
كل يوم امر من عند السوق واحمد ربي على النعمه
لو انا من الامير مصعت اذن هاللي اشتكوا ... فاضي لكم الامير انتم وتفاهاتكم
الصراحة أهل بريدة ماعندهم عنصرية أبد
في أحد منتديات بريدزة ذكر أحدهم أنهم جائتهم ضغوط من شخصيات كبيرة في بريدة علشانهم إمتدحو سوق تمور عنيزة وأكيد هذا ما جعلهم يغيرون أقوالهم خاصة أنه ذكر أن الصحفي ليس لديه تسجيل يتضمن القاء
القضية ومافيها إختلاق أكاذيب من هؤلاء الثلاثة خاصة أن بها فائدة منها
1- تنفيذ أوامر كبار الشخصيات كما زعمو
2- إحداث قنبلة صحفية تخدم سوق بريدة إعلامياً
ولا عندكم أكبر سوق للتمور كما تزعمون وش جابكم لسوق تمور عنيزة إلا البحث عن المفقود وهو جودة التمور المعروضة في سوق عنيزة
ياجمعاعه يجب نعرف سبب الشكوى ..السبب انه اتهم سوق بريده الدولي بالغش
مما الضطر به ان يذهب لسوق عنيزه هربآ من الغش هذا سبب المشكله ..مافيه سبب ثاني..
الرجو ان لايخرجو المدافعين عن الموضع...
ويجماعه اقحام محافضة عنيزه بمدينة بريدة عاصمة القصيم والحاكم الاداري والفني
للمنطقه وصاحبة اكبر مساحه واكثر تعداد سكاني واكبر سوق للمواشي والأبل باللمملكه ومعارض سيارات دوليه 0 ومدينة الملك عبدالعزيز الرياضيه 00وغيره من الوكلات والمجمعات وبتل عد الخ000
الا هو رفع معنويه لمحافضة عنيزه خوفآ من مدينة الرس القادمه بقوه للمركز السادس
لانه من واحد الى خمسه فاضي وعنيزه والرس تتنافس على المركز السادس
وش فيكم يا اهل بريده ما تبون طاري عنيزة ؟؟
هل لأنها أقل إمكانيات ومساحة وتفوقت عليكم ؟؟
إلى الأمام يا باريس نجد ..
سمعتك الطيبة واصلة أوروبا واسألوا د. محمد الهاشمي عنها
والله غريبة شكوى صعبة جدا طيب السؤال الي يطرح نفسه إذا كنتم زايرين سوق عنيزة تشترون منه تمر فهل يعقل انكم تسبونه وبعدين قمة البخل أن لايثني الانسان على من كان في زيارة له ومدحكم لسوق عنيزة هو أقل درجات شكر المضيف لكم طيب إذا انتم قدمت شكوى تنفون مدح سوق عنيز ة فهل يعقل انكم تذمونه يعني بختصار قفلوا على الموضوع والله عيب ثم عيب الى هذا الوضع وصلنا بريده كريمه وتستاهل وعنيزة كريمة وتستاهل وأهل عنيزة هم أهل بريده وأهل بريده هم أهل عنيزة وضوا هالسيرة الغير مجدية
والله يا جماعة الخير
اكبر عنصرية شاهدتها في حياتي في منطقة القصيم وبالاخص بين بريدة وعنيزة
انا في حياتي اعرف ان 110 و220 كهربه
لكن يوم جيت القصيم لقيت عندهم ناس 110 وناس 220
انا بصراحة انتقد اهل القصيام هم فيهم مشايخ واهل علم ودين المفروض ينزعون هذه العنصرية من قلوب الابناء
هذا اللي يجيك من الصحافة !!!
بالنسبة للمقارنات بين سوق تمورمدينة بريدة الدولي وسوق محافظة عنيزة
مافيه أي مقارنة فسوق بريدة يتوافد عليه يومياً أكثر من 20ألف سيارة أما سوق عنيزة فرواده قليلون ..
ياناس كبروا عقولكم وش جاب محافظة لمدينة الله يهديكم بس ..
((( تراي ماني من عنيزة ولا من بريدة أنا من البصر بس الحق يقال )))
إخواني .. أنا من عنيزة ..
ويسعدني أنا أرى بريدة وعنيزة وكل مدن المملكة تتقدم
لندع هذا الخلاف العقيم ولنتحرك بجد ونشاط لخدمة أهلنا وذوينا
وهذا البلد المعطاء
والله إنه لمثار لللسخرية أمام الآخرين أن تظهر أمامهم وكأننا ما زلنا أطفالا
الله يعز بريدة وعنيزة وكل مدننا وقرانا وهجرنا
بس خصيت بريدة وعنيزة لأن مدار الخلاف حولها
لا حول ولا قوة إلا بالله
الله لايشغلنا إلا بطاعته ولا يجعل الدنيا أكبر همنا ..
لازلت أقووووول /
(( بريدة وعنيزة عينان برأس ))
ونحن أهل وأخوان ولن يستطيع أحد نكران ذلك
ياجماعة الخير أذكروا الله وتعوذوا من الشيطان الرجيم
أقول لهؤلاء الرجال :
أنتم تصنعون معروفاً لكم ولغيركم حينما يتذكر الصحفي أنه قد يحاسب حين يزور كلاماً عن غيره , فليست هذه الأولى التي يكذب فيها هؤلاء الأقزام.
استمروا في مطالبتكم , ورجاء لا تتوقفوا عند أول شفاعة..
تكفون لا تتنازلون عن القضيه علشان يتأدب غيرهم
مساكين ياقلب العنا
عنيزة على صغر مساحتها والله سوت الهوايل
لا مهرجانات ولا سياحة ولارجال دولة كبار ولا سمعة بين المدن
مع إحترامي لكم ولبريدة إلا إنكم دوماً تدورون في فلك واحد وعنصري
عموماً الأشياء لاتقاس بالمساحة واكثر عدد وأطول وأقصر
الم تسمعوا شيئاً يسمى أختبار الجودة ؟
دوماً يطبق على الأشياء من أجل معرفة جودتها .. وبرأيي وراي الجميع تميزت عنيزة بالجودة عن بريدة بخطوات .. وبريدة لازالوا يرددون نحن العاصمة واكبر مساحة وسكان وهذة الأسطوانة المشروخة التي أوصلتهم حتى هذا المكان ..
وإلى الأمام ياباريس نجد .. وأنشري ياعاجل دوماً مقالاتي تجد التقصيص
أبو سليم
سلام عليكم
بسراحه مابغيت اكتب شي بس لما سمعت تعليق اخونا هاشم الهاشم وابوبند الشماسيه
تكلمو عن العنصريه وانا اقول العنصريه في دمكم واضحه لاسباب
اولا : كيف تقول تدخل سيارات لسوق وهذ ياثر على التمر من العادم الله وكبر عااااادم
هذا دليل ان سوق بريده اكببببببببر احسن بشهادة زوار دول الخليج
ثانيا : يابو بندر انا رحت شفت بزور الشماسيه قبل اسبوع للاسف ماشفت غير شارع طوله 500 متر ؟؟؟؟؟ وبيتين
بريده مشتهره بسوق التمور والشماسيه بايش مشتهره ؟؟؟؟؟(الله يكفينا الشر )
ارجو للحياديه نشر تعليقي يااسااااااااااااااااااااااااااااااااتذه اذا انتم تبحثون عن الحياديه
واقول لشبابنا المحيميد والشاوي والمهناء استمرو على شكواكم واتركو النااااااااااااعقون لازم ياخذون جزاهم ويادبون اذا ماتادبو من اجل مصداقيه الاخبار