وادي الجرير يتزين باللون الأخضر في أجمل صورة

( يقع وادي الجرير جنوب غرب منطقة القصيم، يبعد حوالي 350 كم تقريباً ( كما هو موضح بالخارطه)
الطريق:
بريدة الرس قصر بن عقيل حتى الوصول إلى (مفرق الهمجة) ثم الإتجاه يساراً الحمادة الصويتيه الهمجة مبهل بقيعا الجنوبيه بدائع الضبطان مسكة ثم الإتجاة إلى طريق الصمعورية (طريق المدينة الجديد) الصمعورية ثم الإتجاه مع طريق المدينة الجديد الظاهرية ثم الوصول إلى مفرق وادي الجرير ثم الاتجاه إلى الوادي (حوالي 15 كم "تقريباً" )
إحداثيات الوادي
25°20'45"N 42°20'16"E
يقول عنه ياقوت الحموي في كتابه معجم البلدان :
الجريب واد عظيم يصب في وادي الرمه من ارض نجد
وقال العامري :
وادي الجريب لبني كلاب به حموض والاكلاء والرمه اعظم منه وسيل الجريب يدفع في بطن الرمه ويسيلان في سيل واحد .
وكانت بالجريب وقعة لبني سعد بن ثعلبه من طئ وقال عمر بن شعاس الكندي :
فقلت لهم ان الجريب وراكساً ..... به ابل ترعى المرار رتاع
يقول مهدي بن الملوح :
اذا الريح من نحو الجريب تنسمت ..... وجدت لرياها على كبدي بردا
على كبد قد كاد يبدي بها الجوى ..... ندوباً وبعض القوم يحسبني جلدا
وعن لسان ( وادي الرمه) يقال :
كل بني إنه يحسيني .... الا الجريب أنه يرويني
ولشاعر اخر :
ويكفيك بعد الله يا ام عاصم .... مجاليح مثل الهضب مضبورة ضبرا
عواد ن من حمض الجريب وتارة .... تعاتب منه خلة جأرات جأرا
ويصب وادي طلال في الجرير بالقرب من الرضم
صور من وادي الجرير بتاريخ 17/2/1430ه
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
نشكر الاخ ناصر العتيبان
ووادي الجرير كما ذكرت لبني عبدالله من قبيلة مطير
وقد وردت في وادي الجرير الكثير من القصائد ومنها قصيدة للشاعر/ حبيب بن عواد الحربي
لمطير عندي شهادة حق وانصافي
قول على فعل والعالم تغني به
كون العوارض فريٍد ماله اوصافي
مع شيخ شمر ولا طاعوا مناديبه
يوم الرقيبه رقى في راس مشرافي
قال اعتزوا يالعوارض شفت لي ريبه
وفازوا بيوم به الأرياق نشافي
من طلعت الشمس لين انحت لتغريبه
وسبع العبيات منهم شاف ما عافي
على الخليفه وطشوا من مراكيبه
بمسلبات لهن بالقاع رجافي
من كل شبلٍ عطيباتٍ مضاريبه
وابن معلث شريف السالفه لافي
اللي جلىا مع ضيوفه عن معازيبه
عقيد جيشٍ يحوفن حم الأشعافي
كم شيخ قومٍ كفى مليا مشاريبه
يامطير ياطيبكم ما اطيع ا|لأجحافي
وهرج العرب ضدك مااسمع به ولا اوحي به
والناس فيهم هلل وارباع وانصافي
وفيهم كامل تنقص مطاليبه
ياساتر العيب يالله سترك الضافي
الله من اللي يعيب الناس في عيبه
لو فتشوا به لقوا به حدر الأظلافي
عيب يجي به جديد وعيب مبطي به
تمت ورد الثنا من طبع الأشرافي
واللي يذم ويعم الناس والخيبه
وايضا قصيدة لاحد الشعراء قالها في وادي الجرير
امطير حمران النواظر مهابة ,,,,,,,,,,, كم قالة وصلوا الى منتهاها
طيب ممكن مكانه وين هوبه
ومنين يطلع له بليززززززززززززززز
شكرا جزيلا اخوي ناصر . لكن مااوضحت اين يقع هذا الوادي فيه ناس ماتعرف موقعه
ارجو او من الاخوه التعليق وتوضيح موقعه والطرق المؤديه اليه....شكرا
نبي الاحداثيات
ياصباح الربيع يازين الخضار
ياجماعة وين مكان هذا الوادي بالضبط
ابي احد يوصف لي بشكل واضح الله يجزاكم خير
رغم اني من مواليد بريدة اول مرة اسم اسم بهذا الوادي
ابي ازوره نهاية الاسبوع وصفوا لي تكفووون
سبحان الله وبحمده
سبحان الله العظيم
ما شاء الله
اللهم لك الحمد
منهو الذيب اللي يعطينا الاحداثية
مع الشكر
ياناصر بارك الله فيك ماهو العلاقة بين هذا المنظر الجميل تبارك المصور بهذه القصص والحروب لا أعادها الله وشكرا
وين موقعه بالضبط
صور روعة
شكرا على جهدك ارجو تحديد الموقع بالضبط
جزيت خيرا على هذة الصور
من زمان ماراينا الربيع
ما شاء اللهم زد و بارك مناظر و لا أروع
لاكن !!!!!!!!!!
لو ما جبت القبايل احسن
درس لك في المواضيع القادمه
بيض الله وجهك علىا هذه الصورة وانا اشهد ذيب تستاهل من يتابع ماتعرضه
شي غريب لم ينتبه له جميع المعليقن وهو نشر الخبر قبل التقاط الصور
الصور في تاريخ 18 والخبر اظيف في 15
وادي الجرير: واد من أكبر أودية عالية نجد، أعلاه مرتفع في البلاد التي غرب عفيف وأسفله يدفع في بلدان القصيم.
السلام عليكم ورحمة الله
المكان بالتحديد
اسهل طريق هو ان تذهب الى
محافظة عفيف
ثم عند ثاني أشارة
تجد لوحة مكتوبة
قرية الشواطن
خذ معها تقريباااااا
110 خط بيب
ثم أذا دخلت القرية يبعد عنها تقريباااااااااا
ثلاث كيلوووو
أتمنا أني وضحت لكم
والله اعلم
الأخ اللماح أعلاه 15 فبراير = 20 صفر .. زادك الله لماحة ولا تعد لمثل هذه اللمحات.
الأخ أبو عبدالله
التصوير في 17/2/1430 ه بالتاريخ الهجري والخبر في عاجل 15/2/2009 م بالتاريخ الميلادي للتوضيح .
الأخ محمد جزا الحربي
يعطيك العافية ماقصرت وماعليكم زود
سبحان الله هذه المناظر وهذه البهجه والاشجار والعشب مناظر جميله وجذابه فعلا بالله عليكم كييف بالجنه التي اعدها الله عزوجل للمتقيين اللهم جعلني انا واخواني من المسلمين والمسلمات فيها يارب العالمين واكرم الاكرمين اميين
افضل طريق يمكن يوصلك لوادي الجرير من جهة بريدة من السريع ( طريق المدينة المنورة - القصيم ) ولا تفكه لين توصل مخرج دوبح من عند محطة المناخ ( يبعد عن بريدة حوالي 160 كم ) اترك المحطة على يمينك وخلك مع الطريق لين يجيك مفرق الرس الجرذاوية يسار ( يبعد عن المحطه حوالي 65 كم ) بعد مفرق الرس والجرذاوية(( خله على يسارك )) يجيك على اليمين بحوالي 100 متر طريق يمين امش مع الطريق حوالي من 20 الى 25 كم لين تدخل الوادي ثمن اذا توسطت من الوادي كلما اتجهت شمال ( يمين الطريق ) مع الوادي صار الربيع اكثر واجمل رحله سعيدة اتمناها لكم وربيع ممتع ...
رد على المخلفي
تسلم يا الذيب على الوصف ان شالله الخميس مخيمين فيه والله يحيك انت ومين يعز عليك
لاتصدق تعال لحالك الموضوع كله تويس صغير
انا اللي اعطيكم الوصف بالظبط
للي بالقصيم 1 ) تطلع باتجاه الغرب طريق المدينه القديم الرس ثم قصر ابن عقيل ثم بعد قصر ابن عقيل تجيك اشاره ضويه الاولى وبعدها الثانيه اطلع يساااااار طريق الهمجه واذا وصلت الهمجه مع الدوار رح يسااااااااار باتجاه ضريه ومن الهمجه بتكون ضريه حوالي 85 تقريبا ومن ضريه مع الدوار اطلع على طول باتجاهك واحسب 45 تقريبا بعد النفود على طول يجيك قرية الحماده اطلع يمين حوالي 70 كيلوا تقريبا
مرورآ مخيط و الصفويه المكلاه ام ارطاء وهذا نهايت الزفلت ووادي الجرير 6 كيلو غرب ام ارطاء وبالتوفيق لكم
آمل اني وفقت بالتوصيف الوااااااااااااااااضح
الطريق باختصار لمن يريده.........طريق المدينة الجديد حتى مفرق دوبح يسار السير تقريبا من 60 الى 80 كلم حتى البصيري بعدها مفرق اسفلت يمين السير تقريبا 15 كلم يظهر لك بعدها وادي الجرير