الربيع يكسو (صلاصل) رغم ندرة المطر والبرد..( يوجد صور)

تجلت الخضرة الربيعية في منتزه صلاصل شمال منطقة القصيم ورسمت الصور التي التقطت يوم الخميس الماضي الموافق 10 / 2 / 1430 ه جمال الأرض رغم ندرة و توقف الامطار منذ فتره طويلة ..
الموقع :
طريق بريدة – حائل السريع ثم تتجه يمين مع مفرق ( مركز القواره ) و قبل دخول مركز القوارة مباشرة تجد لوحة تشير الى ( منتزه صلاصل ) على اليسار وبعد 6 كيلو متر تقريبا ينقطع الأسفلت لتسير حوالي 2 كيلو و تجد منطقة الربيع امامك
ملاحظة: الطريق الاسفلت المتجه الى صلاصل مباشره طريق خطر جدا بسبب المنحنيات المفاجئه جدا ..
الصور تبعد عن مدينة بريدة حوالي 75 كيلو متر فقط.
الربيع في كل مكان بس لا تحوسونه تفحيط وزبايل ووووووو
الله على الصور رووووووووووووووعه يعطيك الف عافيه يا ولد المشيطي
تسلم والله على التغطيه الله يعطيك العافيه اكيد ابمدحه لنه ولد المشيطي
دعاء
اللهم أغثنا اللهم أغثنا اللهم أغثنا اللهم أغثنا اللهم أغثنا
اللهم أغثنا اللهم أغثنا اللهم أغثنا اللهم أغثنا اللهم أغثنا
اللهم إجعله غيثا مغيثا هنيئا مريئا سحا غدقا ونافعا غير ضار
اللهم لاتجعله غيث هدم وغرق فكلما ابتلت أرضنا فاجعله يارب حوالينا ولاعلينا واجعلها رب تجري بها الأنهار وتنبع بها الينابيع وتسقي بها البهائم والزرع ولا تغرق بها البيوت ولا البشر واجعلها خيرا وبركة على الأرض
اللهم أغثنا اللهم أغثنا اللهم أغثنا اللهم أغثنا اللهم أغثنا
اللهم أغثنا اللهم أغثنا اللهم أغثنا اللهم أغثنا اللهم أغثنا
صلاصل تقع على طريق القصيم حائل مباشرة وتبعد عن بريده 53 كيلو متر ليش يالمشيطي روحتهم 75 كيلو او مثل اللي يقول وين اذنك ياحبشي الله يهديك وانت على طريق القصيم حائل انظر يمين وترى صلاصل
وشذا الربيع مشالله تبارك الله ايام المكاشيت فيها وهي مقحله وتدريب الطيور الله المستعان الحين مربعه يبلها كشته والله يهو ربيع (قريص, وخبيز,.......
الله يجيب السيل
اللهم اغثنا
اللهم اغثنا
اللهم اغثنا
اللهم اغثنا
اللهم اغثنا
اللهم اغثنا
اللهم اغثنا
اللهم اغثنا
آآآآآآآآآه ياصلاصل والله من الايام الخوالي فيكي كم عملنا من امور وكم سوينا من حاجات الله ياحلوك يا صلاصل أأأأأأأأأه يا الايام الخوالي والله كم ربيعن راح وجيا وكم فله احجاج فيها رائعه ياصلاصل رائعه يالقواره ( )
صلآصل تقع قبل بلدة المخرم
وين مودينآ للقواره الله يصلحك يآولد المشيطي تبون الوصف
الوصف تطلع من بريده وتحط رجلك بس لاتسرع ان الموت اسرع ( اقول ورى ماتكمل انت وخشمك ) واذا تعديت المحطات انتبه ترى فيه رادار يعني هدي السرعه واذا تعديت قصر الرويظان حط رجلك على 200 وخل اوثال على يمينك وعيون الجواء على يسارك وادعس الين يجيك مفرق ( المخرم ) لف مع المفرق ورح خذلك فنجال عند النشاما بالمخرم ثم ارجع مع طريقك كانك راجع لبريده تقريبا تمشي 20 كيلووو وتجيك صلاصل على يمينك ويسارك وسلامتكم ؟؟؟
مشكور يا ولد المشيطي على الصور وهذا يدل على انك مبدع بالتصوير
ولكن عندي ملاحظة على الوصف الذين ادلى به احد الاخوان وكانه يغالطك ........ واقوله . يقول المثل ( كل الطرق تؤدي الى روما ) يعني كل الوصفين صحيح ...
الوصف بالتفصيل :
من بريدة الى عيون الجواء واوثال ما يحتاج وصف لانه معروف ولكن بعد ما تعدى اوثال والعيون 7كيلو يجيك كوبري حق الغاف والقواره . وهذي هي النقطة الاساسية .
* اللي يروح مع طريق حائل بعد 26كيلو من كوبري الغاف يجيه تقاطع الطراق بعد ما يتعداه ب 6 كيلو ينخفظ الطريق بسبب تظاريس الارض اذا نزلت تجد صلاصل على يمينك ادخل 2كيلو يمين فقط وهذا اقرب طريق .
اما الثاني : وهو ما وصفه ولد المشيطي
* عند الوصول الى كبري الغاف خذ يمين طريق القوارة بعد19كيلو يجي يجي مفرق الطراق يسار وبعده بكيلو ين مفرق ام خطوط يمين وبعد هذا المفرق تجي محطة الفريدي على اليسار بعدها ب 4كيلو تجي طلعه بعدها مباشره تجي لوحة لمنتزه صلاصل على اليسار لف يسار بعد 6كيلو تجيك صلاصل .
ملاحظة: من مفرق صلاصل الى القواره حوالي 2_3 كيلو .
والسلام
ارجوا ان يكون توصيفي وااااضح .
ما شاء الله تبارك الله ..
ومشكوووور اخوي المشيطي ويعطيك العافيه ..
ولكن صلاصل تبعد عن بريدة اقل من العدد للي ذكرت !!
بل تبعد ما يقارب ال 54 كيلو وهي تتبع لمدينة القوارة كما هو في وزارة الداخلية وهيئة السياحه ..
وتحياتي للأخ (ولد المخرم) واتمنى منه ما يكبر الموضوع ..
صلاصل معروفة وين تقع ومنهم اهلها وانت من الذين يعرفون هالكلام ..
بااااااااااااااي
رد على ولد العيون !!!!!!!!!!!!!!!!!
الكلام والوصف صحيح بس ملاحظتي هي على المثل بس ؟؟
المثل الصحيح 0 ((كل الطرق تؤدي إلى مكة ))
لأن المثل الذي ذكرته سرقه النصارى العرب وصدروه إلى روما عاصمة النصرانية!!!!
للعلم فقط أرجو قبول هذه الملحوظة من الجميع ونشرها وتقبلو مني تحية التقدير0
شكرا للجميع
خوي الذيب .. ترى تعليقي مجرد مزوح يالغالي والا ديارنا كلها وحده
كلنا عيال عم والله لايفرقنا قول امين ....
تقبل تحياتي .....
السلام عليكم
ياااربع انا من اهل صلاصل صلاصل اقرب ديره لهااا بقيق