إخلاء برج ايفل وحدائق شان دو مارس إثر إنذار بوجود قنبلة

أخلت الشرطة الباريسية مساء اليوم برج ايفل وحدائق شان دو مارس القريبة منه اثر إنذار بوجود قنبلة .
وقبيل الساعة 21،00 (19،00 ت غ) باشرت قوات الشرطة في هدوء إخلاء البرج والمنطقة المحيطة به حيث كان يوجد نحو 25 ألف شخص وفقا لضابط شرطة في المكان. وأوضح الضابط الذي طلب عدم ذكر اسمه أن الإنذار أطلق سواء اثر اتصال هاتفي أو اثر العثور على طرد مشبوه. ويجرى تجميع السياح تحت حراسة وثيقة على أرصفة نهر السين وضرب حزام امني حول المكان.
الله يا حدائق شان دو مارس الي جنب برج ايفل ..
ذكرني الخبر بذيك الكشته مع ربعي المطاليق يوم ذبحنا ذاك التويس الي يحبه قلبك و حفرنا ذيك الحفره في حدائق شان دو مارس و خليناها حفرة مندي ..حتى يوم خلصنا و شلنا قشنا بنمشي جونا ذوليك الفرنسيين معهم المانيين و قالوا يالاجواد نبي نستعمل حفرتكم لا تدفنونها قلنا ابد خوذو راحتكم بس تكفون اذا خلصتوا اجفنوها لا تخربون حدائق شان دو مارس ..
الا ودي اسأل ليش الضابط الي ضرب طوق امني على المنطقه مايبي يذكر اسمه ؟؟ ليش؟؟؟!!!
ابك اييييييييييييه ذكرتوني في ذاك الجربوع الي قعدت اطارد وراه انا وصاحب لي من الديره في حديقة شان دو مارس وانزقط تحت العشب ومدري وين رااح اخ لو سايطينه كان سوينا كبسه فيه إلا صدق ماتلاحظون كل شوي يخلون مكان ..!!
يعني بالعقل فيه ارهابي بيتصل وبيقول انا ابي افجر في المكان هذا الي يبي يفجر مارح يتصل او يقول راح يفجر ويقتل الأبرياء بدون سابق انذار والله لو إني ظابط وواحد يتصل علي ويقول ابي افجر لقوله على القوه لإني ادري ماعنده سالفه ..
وتصبحون على خير
وهالبرج وش يفجره ؟؟ ولا الخبل اللي يبي يفجره وش بيسفيد اذا فجره؟؟
مصدقين أنفسكم يبو إخلاء للمنطقه !!
بعدين هالمتصل يا إنه سكران يا إنه كامخها إلين دخنت أذونه وفوق كذا ما لقى له أحد يتسلى معه تالي الليل، والدنيا عندهم عيد طول السنة يا تلحق يا ما تلحق