القوات البرية الملكية السعودية تفتح القبول ل ( 500 ) وظيفة

أعلنت قيادة القوات البرية الملكية السعودية - اللجنة المركزية لقبول طلبة القوات البرية - عن فتح باب القبول ل ( 500 ) وظيفة في وحدات المظليين والقوات الخاصة بالمنطقة الشمالية الغربية ( تبوك ) ابتداء من يوم السبت القادم ولمدة ثلاثة أسابيع .
واشترطت قيادة القوات البرية في المتقدم أن يكون سعودي الأصل والمنشأ ولا يقل عمره عن ( 17 ) ولا يزيد عن ( 24 ) عاما ولا يقل طوله عن ( 170 ) سم وأن يكون وزنه ما بين ( 50 - 80 ) كلغم ومن ذوي اللياقة البدنية العالية.
وأشارت القيادة إلى أن المقبولين سيثبتون على وظائف بعد التخرج وفقا لما يلي . .
1 / الحاصلين على الثانية العامة بأقسامها والثانوية الصناعية والفنية والتجارية - جندي أول .
2 / الحاصلين على دبلوم الكليات المتوسطة والكليات التقنية وما يعادلها أو دبلوم سنتين بعد الثانوية - عريف.
3 / الكليات النظرية ( بكالوريوس ) أو ما يعادلها - وكيل رقيب .
4 / الكليات العلمية والكليات التقنية ( بكالوريوس ) وما يعادلها بمدة دراسة لا تقل عن أربع سنوات - رقيب.
وأهابت بالمتقدمين إحضار جميع الشهادات العلمية والدورات الفنية ومشهد حسن السيرة والسلوك وثمانية صور شمسية مقاس ( 4 في 6 ) كاشف الرأس وبطاقة الأحوال وللاستفسار الأتصال على الرقم 4230001 / 04 تحويلة ( 95832 ) .
اقول ولو بس؟
من زين العسكريه ورواتبها!!!
كل العسكريين يراجعون العيادات النفسيه رواتب ضعيفه ورواتب تقاعديه مخجله
علاوات سخيفه إهانات لانهاية لها؟
وأغلبهم لايملكون منزلاً..وكلهم ضحايا لقروض البنوك ؟
ولا احد يلتفت لهم إلا إذا جاء
وقت الشده قالوا جنودنا البواسل والأبطال وهم مضيعين حقوق جنودهم البواسل
ومهدرين كرامتهم ؟!!
كان الله في عون العسكريين بس؟
والله ماني منهم ولكن قاهرني وضعهم؟!!
يارباااااااااااااااااااااااااااااه ياربااااااااااااااااااااااااااااااااااااااااااااااااااااااااااااه
الله يرحمه ويصبر اهله
بعدين وش دخله
بالموضوع
اصلاّ مافيه احد يقل عمرة عن 24 سنه يحمل المؤهلات المطلوبة وذي الشروط تعجيزية يعني الوظئف وهمية من يوم الشروط ذي التافه ان صح التعبير بالعربي لا مانزلتو وظائف احسن احسن حل الواحد لايبحث عن وظيفة يموت جوع وقهر وهم وغم كم الشروط التعجيزية .
دعواتنا للجميع
دقيقه ركزو معي اللحين بكالريوووس ونهاايتها رقيب
ليه يبو
ليه ليه
البيت اززززين
طيب والي طوله 160 ؟؟ وعمره 26 سنة؟
ماينفع عسكري؟؟
مو رجال يعني؟؟
يعني شعب اندونيسيا مافيهم عسكر لان اطول واحد فيهم طوله مثل ورع عندنا في الابتدائية
وبعدين يالله و الوظيفه هذه مظلي وش ينولك منها غير انها رجولك تكسر!!!
ومتغرب في الصحراء !!!
و500 ويبي واحد عمره 17 سنة ومعاه جامعة
غريب والله
ماتعرفون المظلات خادم 8سنوات وفصلت بسسب التعنت من الضباط والمشكله مالي اسبوع حاصل على شهادة شكر تدريب كل يوم على الفاضي هروله وحواجز وبعدها على الميز ودراسه يومي الى الظهر وكل حج وانت مرابط ماعيدة الضحيه الا لما فصلت
وكل يوم في ديره تراكظ ورا العالم وانت مظلي ماتدري وش السالفه اذا عزوبي يمشي الحال اما متزوج كثر منها تهج الحرمه ماتشوفك سلام مع السلامه مداوم والحين راز الشهادات مظلات صاعقه ونايم ولاني قادر اخلي طرف العالم كلها بالتدريب انتظر لين يفضولكلي 3سنوات ماخليت طرف ولاني قادر اتوظف اللي مغامر ويبي مظلات صاعقه يتقدم الجنان قدامه ..........احد الضباط توفى فيالمعركه ليش ......................ياخذتعداد العالم على خط النار كلام اكيد من احد المصابيين في المعركه يعني هرج بش ركض التدريب كله
اقول ما تبون بعد ماجستير ودكتوراه بمعدل لا يقل عن ممتاز
وياليت تعطونه رتبة وكيل رقيب لان معه شهادات واجد وتقديره زين
اقول انقلعوووووووو بس الخلا بس الخلا
الحين العسكري ما كل تبن بيديه الثنتين من قروض اهانات وشحططه
وعلى قولة اخوي اللي راد عليكم فوق
اذا تقاعد ما لقى ما ياكل وتقولون البواسل
خذ البساله هذي انت لوحدك يابووووو وخلها تنفعك اذا تقاعدت وراتبك صار ريالين
لا وملفك بالنفسيه ما تشيله تريله
الله لا يبلانا والله ان من شر البليه ما يضحك
لست عسكريا ولكن كل من حولي عساكر
وعسى الله يوفقهم ويفصلون ويلقون وضيفه تحقق لهم الامان الوضيفي والنفسي وتفكهم من العسكريه وغثاهاااااااا
مخ بلا وجود ..... وخيال بلا حدود
لله درك يانايف صدقت بكل ماقلت
عااااااااااااااااااااش نااااااااايف
بس كذا ياسلاااااااااااااااااااااام على الشروط التعجيزيه
ياناس ياعالم ياهوووووووه وش اللي حادكم على كل هذا التعقيد
وظفوا الشباب حرام عليكم والله اغلبهم راح عمره وهو كل شوي يطامر من مدينه لمدينه يدور وظيفه ويقدم!!!!!!!!!!!
لا وطالبين عمره مايزيد عن 24 ابووووووك يالتعجيز
ههههههههه عسكري والله لو انا ضب ادخل العسكريه
4/ الكليات العلمية والكليات التقنية ( بكالوريوس ) وما يعادلها بمدة دراسة لا تقل عن أربع سنوات - رقيب.
عاد لو عندي هالمؤهل ابروح اسجل على شان اصير رقيب .. والله هزلت
ما
ياليت يتم زيادة رواتب الجيش وذلك بوضع بدلات كما هو الحال في الامن العام
كفوووووووووووووووووو يانايف ... يابعدي ... كلمة حق والله
كلة خاق باق واللي يبي ا لبطولةوالشرف معروف طريقها مع الابطال المجاهدين اما الفلوس فالجيش رايح فيها كلة فقران الضابط والجندي وسلملي على حرس الحدود الجندي مايكمل سنة في ا لخدمة الا ورصيدة فوق المليون !!!!!؟؟؟؟ طبعا من التهريب والشغل الطيب
المرور ياعيني يتصيد الناس وهاتك مخالفات ولا عط الدورية اللي خالفتك المعلوم وتمشي الامور سلامات
الجوازات تقوم بحملات وتعبي الباصات وتاخذ المعلوم من البنقلة والاجانب وتفتح لهم الباص وكني ماشفتك
هذة القطاعات اللي فيها خير ولا الجيش انحش ما يكل عيش الطاسة ضايعة وباقي محد حصلها
السلااااااااااااااااام عليكم
والله انك صدقت يالاخ ناااااايف في كل مااقلت انا العسكري مهاااااااااان في كل شي لارواتب زينه ولابدل ولاترقيه ولاسكن وهو الي ماكلها في كل شي ودايم هو الي في الواجها...اتحدكم اذا فيه عسكري ماعليه قرض من البنك او غيره واذ جاء وقت الشده قالو جنودنا البواسل.......
ههههههههههههههههههههههههههههه ضحكتوووني بكالريوووس وكيل ررقيب
اقوول لا يكثر بس
والله لو تحج البقره على قرونهآ ما دخلت العسكريه ....
اوووووووووووت.,, بيت ابوي ابررك لي
بسم الله الرحمن الرحيم
الى من يهمة الامر من المسولين في وزرت الدفاع والطيران والمفتشيه الاعامه
السلام عليم ورحمة الله وبركاتة
نحن مجموعه من الافراد في مجموعه الواء ابوبكر الصديق السابع عشر وهندا اللواء تحت قياده اللواء الركن عبد الرحمن بن احمد البلوي قائد لهذا اللواء
نرفع لكم همناوما نعانيه من اذلال دمهانه وقل للكرامه في هذا اللواء تحت قياده هندا الرجل حيث نحن مجموعه من الافراد الزين السكنون محافظة القطيف محافظه الاحساء ونحن بمختلف الرتب العسكريه ومن الطايفه الشيعيه عند ما تدخل اللواء تجدنا عمال بلديه نعمل في كل مجال من بديه ادوام وحتى نهياته نعمل في الزبائل ونظافة الشوارع والحمامات وعزب الافراد في مجل السابكه والكهرباء والنجاره والبناء وكل امر يخطر على بالكوم بينما زمالائنا الافرد العكرين السنه نا ئمين في الحظائر والفرشات وشرب القهوه والشاي وصبحنا نحن خدام للهذاه اللواء علما نتشرف لوائنا و وطنا ولكن ليست بهذة الصورة التي تظهر التفرقة والعنصرية المجحفة في حقنا .
هل يوجد اكثر من ذلك تفرقه وعنصريه واذلال لنا وهدرنا لكرامتنا ونحن نقوم مع بقية ز ملائنا من الافراد بنفس الواجبات والخفارات وهم ياخذون حقوقهم ونحن لا بينما نحن العاملين في هذا الواء وقائد اللواء يوجد في بيته اربعه افراد من اهل الاحساء يعملون في حديق بيته وكذالك من سابع وعشرون من الاحساء والقطيف يعملون تزين قياده اللواء . هل يوجد اسواء من ذالك معامله . اين قائد المنطقه الشرقيه. اين استخبارت المنطقه الشرقيه . اين الامن العسكرى . الا يوجد هناك من يءوجة ويرشد هذا الرجل.علما بان قيادتنا الحكمه ودولتنا الراشدة تنبذ العنصرية وتنبذ التفرقة في الاديان والطوائف وتدعو الي الحوار والمحبة السنا نحن واخواننا افراد السنة ابناء وطن واحد ونعمل في خندق واحد لحماية الدين والدولة وهذا الوطن الغالي تحت راية دولتنا المجيدة راية التوحيد.الايوجد من المسولين من يحاسب هذ الرجل وينظر في امرنا كما نتمني ان يصل صوتنا الي سمو سيدي الامير خالد بن سلطان حفظة اللة لمحاسبة فائد الواء الظالم والجائر علي حقوقنا.حسبنا اللة ونعم الوكيل.والسلم عليكم
الرقيب محسن عبدالعزيز