ارفق انا ياخوك بالحيل جوعان ومعزبي له يوم ماجاب لي شي ودي اذوق الزين لوكان مجان علك تروف بحالتي صابني غي وانا تراي اشكي عظيم الشان يعطين من فضله شعيرٍ معه مي عبدالكريم النغيمشي - لوذة في هالدينّا حمولني بلا زاد وخلوني أشكي من الظما زايد الجوع وبأمر الولي جاني بلحظات الامداد عقب المشقة والعنا وكثرة الروع سبحانه أفضاله علينا بلا أعداد اللي عباده له سجودٍ وله طوع صالح عبدالله التميمي - الرس وقتٍ مضى صرت أشيل الناس واليوم أنا صرت مشيولي يوم البراري وذيك اطعاس القيد لي صار مفتولي في دنّةٍ صرت محتاس مصيري اليومي مجهولي عبدالكريم عبدالرحمن السلوم - القرائن سبحان من ساق العلف للمطيّه زحمة ووقّف جنبها موتر اعلاف تأكل تسد الجوع بوقت ضحويّه ولا فكّت الزحمة وحطّها خلاف رزقك تضمّن به إله البريّه مثل الرحول اللي لها صورة تشاف سعود عبدالعزيز الهزاع - نعام حمَّال المتاع اليوم بالنقل محمول تبدلت لحوال ولاعاد به كد حتى الأكل من غير ما جُهد مبذول والماء زلال صافيٍ يشفي الكبد عقب السواني كل شيٍ صار مكفول وأصبح جملنا في نعيمٍ وفي رغد عبداللطيف الحُمَيَّانِي - عنيزة يا راعي الدنا حلالك غدا به واحد من الجيران جمبه رثع فيه اما تنبهتوا هذي مصيبه قومي على الحاشي وشدوا علابيه ابعد عن الموقف إذا فيه ريبه خلك بعيد وكل شيٍ تراعيه علي رشيد الرشيد - رياض الخبراء يا راعي الدنه تريّض على الهون خل الجمل يأكل ولو من زهابك الجوع بيّح بالخفى كل مكنون طال الطريق اليوم لا واعذابك وعمالةٍ فيها من الطبع وشلون تخلط علفها مع مطالب منابك حمد عبدالله الوايلي - حوطة سدير رزقك يجيك لحد دارك ومضمون ولو ماتجي يمّه يجي يمّ بابك هذي الدينّا واقفة جنبك بهون يالحاشي اشبع ماحسب لك حسابك أكل وتهنى والعرب عنك يلهون ماحدٍ ترى حولك ولا أحدٍ درا بك هذا دليل الرزق والكل يدرون ما أحدٍ يجي رزقك ولو في غيابك عثمان ابراهيم الرشيد - الرياض راع الدينا ليته يوقف شوي ناقه على طلع المزارع تقيمي خضره وتروى لااحتمى الجو بالمي والخس وافر والمعزب كريمي هذا غداء ما يعتبر عندها غدي عقب العلف بتعيش بأفضل نعيمي عبدالكريم بن خزيم - البكيرية ألا يا ناس ما لي قيمة واليوم مشيولي بماض فات أنا أشيل العرب واليوم شالوني أنا في ماضي الأزمان شيال الحمولي وهذا اليوم شوفوني على القصاب ودوني أنا راكب على دينا ودربي اليوم مجهولي أنا ما أحب غير البر يا أهل العرف فكوني محمد عبدالعزيز الخنيفر - أشيقر يا راعي: الدنة لو تقرب شوي وآكل طعامٍ معك حلون مذاقه بطني من البارحة ماطبه ولا شي والله رزقني لو مالك علاقه نمر عقيل الدرب شايك وأنا مقهور ودّي على البر مشواري يا ليت من هو يشوف النور يا حيثني اليوم منهاري على الدينا ماني مسرور يا شين دربي لجزاري ريان محمد الخنيفر - أشيقر نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] أو الفاكس رقم: 0114871070 صورة العدد السابق
