المزح خلّه .. والطفل لا تخيفه في ظرف لحظة تفقده كيف ترضاه هذي مزوحٍ بالحقيقة عنيفه وهذي نصيحة وافهم اليوم معناه محمد عبد العزيز الخنيفر – أشيقر لا يروح حلو الضنا أطيار ألقفه وحطه بلحضاني يعجبك بكره يجي طيار ويذود عن كل الأطواني عبدالكريم عبدالرحمن السلوم - القرائن طالبك ياخوك نزلني قبل لا أكل هواء أرحم اللي حدّه الوقت وارضنتة الظروف لي ثلاث أيام صدري من الذله عواء كل ما لديت في عيني أشوف الموت شوف ليتني فالقاع وأمشي مع العالم سواء مير ما حصلت لي بين العرب قلبٍ عطوف يوسف بن علي البديري - المجمعة بعض الخطا ياتي ولا هوب مقصود بعض الندم ما يفيد لا صاح صايح السلك شايك والخطر فيه مشهود وأنت اقتربت وما رعيت اللوايح يا ملاعب الطفله ترى اللعب بحدود أرفق عليها واستمع للنصايح ناصر بن جمعان آل عوض - وادي الدواسر ياللي تلقّفت الطفل بعد ما طار ذا مزح هو ولا هوايه جديده فعلك ترى مثل الذي يلعب النار لو طاح طفلك مات .. أصبح بديده خالد بن ناصر المخيمير - روضة سدير مزحٍ خطير ويمكن الشخص ينصاب ما هي شطاره تجعل الطفل مذهوب راجع ضميرك وأجتنب درب الانشاب يمكن يطيح الطفل ويصير معيوب علي رشيد الرشيد - رياض الخبراء إنزال جوي أو ورى السور طبيت من المدرسة تنحاش كنك بتوقيف إن كان ذا نهجك عليه وتماديت العلم عندك ما يأهلك للرشيف سعود بن عبدالعزيز الهزاع - نعام اخشى على طفلك تنوشه الاقدار يومك تزمّه يا فتى الجود مخطي الشبك حولك ما يجي عنك امتار ياقوّ قلبك كيف يفعل ويسطي حمد عبدالله الوايلي - حوطة سدير ترى الخطر واضح على الطفل من شبك شبكٍ تشابك به جميع الخطوره وترى الملاهي والمراجيح تعجبك لا تبخل بشيٍ يزوّد سروره مبارك محمد بن ناصر الدوسري – الرياض خاطرت يا لمسكين .. خاطرت بالحيل والقفز معروفٍ .. وبالجو معروف قفزت مظلي بالبراشوت .. والشيل والشبك تحتك شفته اليوم مشيوف عبدالمحسن بن محمد المحيسن – رياض الخبراء زاقف ومزقوف والقلب ملهوفي يا ليت رجعته بالحضن ملفوف قطعت الأنفاس وضخّمت خوفي لأجل يشاهد من ورى الشبك ويشوف عدي بن عبدالرجمن الغضيه قاذف حواجز عليم الله هم فين وإن كان لقطة هواةٍ شوف راعيها وإن كان تمرين مقشرها تمارين وإن كان هيّه حقيقه فالخطر فيها سعود عائش الحربي - القاهرة جنب الشبوك وشايكٍ كنه الشوك شال الولد شيلة شفوقٍ ومشتاق من ظن بأنه والده قلت مشكوك ما يحذفه بالعال لو كان به عاق إبراهيم بن راشد السبيعي نستقبل مشاركاتكم على إيميل الخزامى: [email protected] أو الفاكس رقم: 4871070 ونرحب بالصور الهادفة والطريفة صورة العدد
