الأسبوع الماضي كان لغز الأسبوع من طرح الشاعر تركي عبدالله السبيعي من الرياض الذي يقول: لغزي لقيته داخل السوق مجلوب كل البشر يملك سميه بيمناه اللغز غالي بين طالب ومطلوب وسميه المملوك ما يوم بعناه والحلول الصحيحة للغز شعراً من بين 187 حلاً: لغزك قريته يالسبيعي ومطلوب حله وحنا يالسبيعي عرفناه والحل كف من الذهب صار مرغوب سلم بكف لك علي لاعدمناه محمد بن صالح الأطرش لغز الخزامى عندنا دوم مرغوب تحرص على حله متى ما قريناه كف الذهب حله بعثناه مكتوب واحلى سلام للخزامى كتبناه علي رشيد الرشيد بعض البشر في طرح الألغاز موهوب كف الذهب كفك وذا ما تمناه انت الذهب غالي وغالي ومحبوب لاطاب ساس البيت يا طيب مبناه محمد أبو دحيم - البدائع لقيت لغزك يالسبيعي ومكتوب في صفحة الغاز الخزامى وجدناه مثل الذهب يلمع على كف رعبوب كف الذهب حله مملوك يمناه ناصر العبدالله السبيعي - القصيم يا مرحبا يا كاتب اللغز باسلوب كف الذهب بالسوق بعنا وشريناه وكفك سميه صح والحل مطلوب والقافيه فيه اوب والثانية آه آمنة محمد العطيفي - الخبراء أنا عرفت الحل وأرسبت مندوب يم الجريده ينشرونه وتلقاه كف الذهب بالسوق غالي ومطلوب وايضا سميه في يمينك وجبناه فارس بن مشعل العريني كف الذهب بالسوق يجلب ومطولب وكففك وكفي ما ذكر يوم بعناه ارسلت حله للجريده بمكتوب ينشر على صفحة خزامى وتلقاه محمد عبدالله السبيعي - الرياض لغز السبيعي بين الألغاز محسوب عبر الخزامى في الجريده قريناه كف الذهب يهدا على كل محبوب يمناه تزهابه وتزهاه يسراه خالد بن حمود الغربي - ساجر كف الذهب معروف ما هوب بمحجوب والعالم الله دوك حله لقيناه عامر ناجي اللغز بنحله ولو كان مقلوب ولو هو لبعض الناس ما بان معناه كف الذهب في السوق للناس مطلوب وكف خلق ربي عسى ما عدمناه عبدالعزيز التميم - الرياض لقيت لغز بالخزامى ومسكوب مسكوب من حلو الكلام وقريناه والحل كف في يمينك ومهيوب وكف الذهب للغالي اللي شريناه سعود رباح القويعي - حائل لقيت اللغز بالجريده مكتوب اللغز كف وكلن تمناه الحل الذهب وفالسوق مجلوب الذهب اللي قليلا حلاياه سعود الخضيري - الدارة لغز الأسبوع كتبه الشاعر سعود عايش الحربي من القاهرة ويقول: يا ويش رجل ماحد يعرف اقصاه لكننا نعرف قفاه واخيره بالعمر ينقص لاكبر ماله اشباه واخوه يومه مات كمل مسيره تستقبل الحلول على الفاكس "4871070" أو الايميل [email protected] ونرحب بطرح الألغاز
