الأسبوع الماضي كان لغز الأسبوع من طرح الشاعر محمد عبدالرحمن أبو نيان من السر والذي يقول: من السما ومن البحر خذ وصوفه مشروب لكن دون طابه ولا كاس إن شربه الرجال محد يشوفه وإن كان شربته المره بان للناس وقد توصل للحل شعراً: اللغز يا محمد قرينا حروفه وعساني أصيب الحل يا معرب السانمي اللغز واضح والحلول معروفه هذاك حبر الباركر فوق قرطاس حاشم عطا الله الدنيدن الشمري - تربة لغزك وهيم ومن ثلاثه حروفه ما هو بسيط وفيه الافكار تحتاس احترت في حله وردد وصوفه الحبر حله بعد ما دخّن الراس محمد أبو دحيم - البدائع يا زين لغز بالخزامى تشوفه من نظم ابو نيان عزه ونوماس الحبر الازرق بالقلم وسط جوفه هذا جوابي كان ما خاب هوجاس علي رشيد الرشيد - رياض الخبراء يللي قريت اللغز ردد إحروفه وأرد لك حلِّه قبل رد الأنفاس وهات القلم مليان حبره بجوفه واكتب لهم ردِّي على وجه قرطاس فهد بن عقيل الطويان - بريدة لغز جميل وشوّقني حروفه أنا اشهد ان اللغز مبني على ساس الحبر في وسط القلم ما نشوفه وياضح إليا منك كتبته بقرطاس يزيد أحمد الطيار حفر الباطن احد يصيد الحل وحداً يطوفه وانا بحل اللغز مانيب محتاس حبر القلم الأنسكب شف احروفه بلون البحر يشرب منه كل قرطاس عبدالله بن عبدالرحمن عمر اللاحم الشماسية لغز لبو نيان رتب صفوفه عز الله انه جزل يعطيك نوماس هذا الحبر لنساب شكل حروفه ايبين المقصود من فوق قرطاس صالح عبدالعزيز السويح - روضة سدير سار القلم والخط بانت حروفه وبالذات لا منه مشى فوق قرطاس ولصفحة عزيزة ومعروفه صفحة خزامى ياصل الحل بالفاكس محمد عبيد الديحاني/ القصيم يا مرحبا مثل المطر ومعروفه تحي الهشيم اللي من العام يباس شوف الحبر في حال ياهو كلوفه وبحال مايخفا كما كتب قرطاس سالم البشري الجبيل يا مرحبا حييت لغز نشوفه لغز نظمه اللي نظم عقد الالماس يا نقشت الحنا بصافي كفوفه حبر نزف ما بين سنه وقرطاس سعد الحماد - روضة سدير يا مرحبا ترحيبة ومعروفه لهل الوفاء والعز بالعز نبراس واللغز حلّه بينات حروفه سجلتها بالحبر من فوق قرطاس صلاح بن عبدالله اليابس رحيمة يا مرحبا بك والهموم محذوفه ترحيبة من طيبها ترفع الراس اللغز فيه عن المراميع نوفه "حبر" القلم نزفه على كل قرطاس عقاب بن سقيان العتيبي الجمش برقت في لغزك وفكة حروفه ولقيت حله حبر يكتب بقرطاس الحبر الازرق له خطوط معروفه يروي القلم ثم عقب يقذف بقرطاس عبدالله محمد السويح - روضة سدير الحل لا عديت خمسه حروفه واللون الأزرق لا تبين بقرطاس والخط بالصفحات كل (ن) يشوفه إلا الضرير اللي يدلونه الناس عوض الغيداني - الخبراء لغزك يابو نيان وضحت أموره تسلم يمين خطته ويسلم هالراس الحبر على القرطاس بانت علومه ولا ترا بالقلم مخفي عن الناس عاصم بن يوسف الغضية - الرياض كما توصل للحل نثراً لعدم وضوح الفاكس أو لعدم ترتيب الأبيات من خلال الإيميل: بندر صالح المغيري، عايد حافظ المطيري - الرس، غديف محمد الحربي. كما نأمل من الإخوة إرسال الحل واضحاً ومنسقاً سواء عبر الفاكس أو الإيميل. لغز الأسبوع كتبه للصفحة الشاعر سعد مويرز البدراني من الرس ويقول: ابنشد الشعار يا ويش الولد في وسط قومه للولد دور مهم يحفظ منازل لابته مثل السند والله حقيقه يا عرب ما هي وهم وإن صار ما عند الولد أحد أبد يصبح مهمش وارمعه يا من فهم ترسل الحلول على الفاكس 4871070أو الإيميل: [email protected] خزامى الصحارى - زاوية اللغز كما ترحب بطرح الألغاز الجيدة.
