الأسبوع الماضي كان لغز الأسبوع من طرح الشاعر محمد بن عبدالرحمن أبودحيم من البدائع والذي يقول: جواب لغزي كاتبه في حروفه إذا قريت اللغز فالحل باني وضحت لغزي لا يجيبه كلوفه عن قرية ما تشاف فيها المباني وقد توصل للحل شعراً كل من: مثل العريني مثلها ما تطوفه نملة سليمان أفصحت بالبياني قد صدّرت ربعه جند تشوفه في «قرية النمل» المساكن ضماني حبيب البشري صفحة خزامى جيدة ومعروفة فيها الأدب فيها جزيل المعاني والحل جاكم دون لف وكلوفه بيت النمل ما نشوف فيه المباني نواف عبدالرحمن العريني - القصيم اللغز يبو دحيم بانت وصوفه أمشي خلا والحل لحظة لفاني بيت النمل من رافقن ما يشوفه له قلت هذا الحل ما فيه ثاني فهد بن عقيل الطويان - بريدة لغز العريني بالخزامى نشوفه رجل مقدَّر عندنا له مكاني الحل بيِّن واختصر لك وصوفه تراه قرية نمل يوم استباني علي رشيد الرشيد - رياض الخبراء نيابة عن طالب في صفوفه باستاذنا شكراً وصح اللساني لغزك بيوت النمل هذي وصوفه كل يعرفه من قديم الزماني محمد بن عبيد الديحاني - رياض الخبراء يابودحيم اللغز واضح نشوفه بيت النمل ما فيه طوب ومباني سموه قرية والهبايب تلوفه قليل شوفه صار في هالزماني صالح بن عبدالله السلطان - الرياض حي الذي للغز دايم يحوفه أبودحيم اللي بلفظه معاني اللغز واضح مير منهو يشوفه ذي قرية للنمل بيت ومكاني هشام بن عبدالله السحيباني - الدوادمي يابودحيم اللغز ما به كلوفه قرية نمل ولا تشوف المباني مبانيه ومخططه ما تشوفه اقهرك بالله يا عريب المجاني دغيم فهد الخمشي - الرياض الحل عندي واضحات وصوفه ساعة قريت اللغز الحل باني بيت النمل جول المزارع نشوفه ولصفحة خزامي نزف التهاني فارس بن عبدالرحمن العريني - القصيم ٭ كما توصل للحل نثراً كل من: منيف سعد الشريهي - الرياض، متعب فريح التريباني - الرياض، ناصر الهديرس - الرياض، شنار عمير المطيري - حفر الباطن، ملفي خليفة الحربي - القصيم، باني سليم العنزي - عرعر، متعب محمد حماد العنزي، الرياض. لغز الأسبوع كتبه للصفحة الشاعر عبدالهادي بن حربوش القحطاني ويقول: ابغى انشد اللي عندهم للغز حل يا ويش رجل له مهمة وله حين بمهمته داوم عليها ولا مل ومهمته تعجز كبار السلاطين إذا ابتدى بمهمته كنه أحول وإذا انتصف بمهمته صافي العين نستقبل الحلول على فاكس 4871070 - خزامى الصحارى - زاوية لغز الأسبوع. كما نرحب بطرح الألغاز الجيدة والجديدة.
