الأسبوع الماضي كان بيت الأسبوع من طرح الشاعر صالح البشري من الرياض حول موضوع كثرة المخلفات داخل الأحياء والذي يقول: لا شفت بعض أحياء المدينة تمنيت عنها تزال مخلفات المباني وصدى البيت من الشعراء: يا للي غسيل البيت في الحي صبيت ما كننا من ندرة الماء نعاني زودٍ على ذلك قمامتك كبيت في غير ما خصص لها من مكاني عز الله إنك في سواياك ماقديت للناس حق لازم أنه يصاني ناصر بن جمعان آل عوض - وادي الدواسر صدقت يا البشري بماقلت وابديت هذا كلام الصدق جزل المعاني ليت المقاول قام ياليت ياليت بازالة الانقاض مع الدفاعني وين المراقب يوم هدوا بنا البيت ما لاحظوه مراقبين المباني؟؟ عبدالعزيز العنزي - بريدة يمشوه الشارع تعديت وأخطيت زود الخطأ ينشاف في هالزماني لا تضايق الجيران يمرمم البيت ومنك الذي بالدرب يمشي يعاني ليتك فعلك صرت قدوه ولا أعطيت صورة تضايف من يمر المكاني فهد بن عقيل الطويان - بريدة امخلفاتٍ شوهت شارع وبيت متراكماتٍ من قديم الزماني لا مراقب يمشي عليهم مواقيت الكل يزبر لا لقى له مكاني حق الطريق انهان ياللي تعديت ومعه النظام يالله المستعاني سعود سعد الحافي - الرياض كم واحد لا شافها قال ياليت ناس تعرف الحق للمودماني شفت المشاكل عندهم يوم مريت ضيق الطريق وزحمة المكاني يا راعي المشروع احطيت واوذيت وين الذي يفهم أصول المعاني علي رشيد الرشيد - رياض الخبراء لا شفت بعض احياء المدينة تمنيت عنها تزال مخلفات المباني ليه البواقي تنحذف خارج البيت وسط الشوارع كل منا يعاني وبعض الأماكن للأسف كل ما جيت فوازغ المبنى علينا تباني عبدالكريم إبراهيم بن خزيم لمنظر احياك أو نظامك تعديت يا رامي(ن) لمخلفات المباني إن كان للحي الريادة تمنيت شلها وضعها بالمكان الأماني (أي المناسب) حتى تصير إلواجب الحي أوفيت وتاضع لغيرك منهج فالزماني سعود عائش التميمي الحربي - القاهرة ياصالح الشري هلا فيك حييت ياشاعر يكتب جزيل المعاني قريت بيتك بالخزامى وجاريت عسى تحقق رغبتك والأماني لو الأمانة غرمت صاحب البيت ما شوه المنظر بذاك المكاني فهد صمدان البشري بعض الحواري كن فيها الدناميت من كثر ما شفنا دمار المباني قضاض حارتنا وصل عتبت البيت من قلت المسؤول وهل التفاني وبواقي اسمنت العماير مع الزيت يرمي كذا يا أهل الشيم والمعاني فرحان البشري أنا أطلب الله كل ما اصبحت وامسيت إنه على القول الصحيح يهداني المشكل بالحل يا راع الصيت بتعهد مقاول وراع المباني صالح المزيني احب بلادي ولأجلها كم تغنيت وآجر صوتي مع جميل الأغاني مناظر لا شفتها ما تهنيت وسط البلد يا شينها هالزماني يا ليتني ما شفتها كل ما جيت بعض المواقع كم كثير تعاني محمد عبدالعزيز الخنيفر - أشيقر بيت الأسبوع تجاوباً مع مقترح الأسبوع الماضي حول الرسائل الدعائية عبر الجوال من الشركات واختراق خصوصيات الناس أرسل للصفحة الشاعر فواز المايق من الرياض ويقول: يا هل الدعاية في رسالات جوال زادت وصارت كلها ازعاج بازعاج نستقبل صدى هذا البيت بثلاثة أبيات فقط تدور حول موضوع رسائل الدعايات بالجوال التي أصبحت تضايق الكثير من الناس. ترسل الأبيات على الفاكس 4871070 أو الأيميل [email protected]. اقتراح لموضوع بيت الأسبوع القادم أرسل للصفة الشاعر عبدالكريم الخزيم موضوعاً لبيت الأسبوع القادم وهو مضايقة الدبابات النارية للمتنزهين وعدم احترام الذوق العام.
