كتب بيت الأسبوع الماضي للصفحة الشاعر غانم الجحفل بن رمال والذي يقول: خل صدرك على الدنيا واهلها شمالي طبع الايام محد سالم من عناها وكان صدى البيت من الشعراء: لا تِدَوِّرْ يمينِ وْلا تِدَوِّرْ شمالي كلِّ حيٍّ بَهَا الدنيا شَرَبْ منْ غثاها يومِ مرٍّ عبُوسِ وْيومِ كالشّهْدِ حالي بينها عاش خلق الله من مبتداها السعاده قناعه ماهِي بْكثْرِ مالي وطاعة الله تجاره زايلٍ ما عداها ناصر جمعان آل عوض - وادي الدواسر واعلم ان الصبر ياصاحبي راس مالي وبالصبر تنفتح لك يلرفيقي خطاها والغضب صاحبه دايم حياته وبالي ويهدم بظرف لحظة كل حاجه بناها عايد مسير بن طواله - الباحة خل سيرك ومشيك دايما بالعدالي ومن يلف ويدور يعيش عيشة غثاها وحاول انك تصبر مثل صبر الجمالي اخر الوقت تلحق ياعشيري مناها خالد المرشود - الرياض ومن يفكر كثيرا قبل جهل الجهالي يعرف ان الصبر يرفع علا مستواها وكان غضيت طرفك ياكريم الرجالي اعرف انك ربحت ونلت غاية مناها عيسى الشلاحي - الرياض اصْبر وخَلْ الجَاش طَبْعه شمالي دِنْيتك ماحدٍ سالِمٍ مِن غَثاها حافِظ على الثنتين يا طَيِّب الفالي تَكْسب أجر والناس تسْلم أذَاها سعود عائش الحربي - جدة وسع الصدر فالدنيا وخلك مثالي والحمول الثقيله دايمه من صباها مير خلك بها صابر على كل حالي وَسّع الصدر فيها والصبر من دواها مثل ماقيل فالامثال خلك شمالي لايصير صَدرك حضِيبي يزَود غثاها بالهموم الردايف والحمول الثقالي لين تمسي وتصّبح لابس ٍ من عراها مشعل بن صنت العصيمي - الخرج أهلين يابن رمال اعداد همالي أسقى بلادي من اقصاها ليادناها و الله ماتجلس ا لدنيا على حالي دنياك يا مُرها و احيان محلاها والصبر ممدوح من رب السما العالي وا جعل عزومك فا ولها وبتلاها فالحظ يخدم لناس وناس ميالي فاصبر على قسمتك وانصحك ترضاها محمد عبدالله الشهري - جبل أثرب يبت الأسبوع كتبه للصفحة الشاعر نواف هايف الجبرين من الرياض ويقول: من يلمس الجمره عرف حرقة النار والحرقه اكثر لا غدت من خويه نستقبل صدى هذا البيت خلال أربعة أيام من نشر البيت على إيميل الصفحة: [email protected]