كان بيت الاسبوع الماضي قد أرسله للصفحة الشاعر رجا الرمال من الرياض والذي يقول: لاصرت في زحمه وكثرن الاصوات خلك شمالي صدر والصبر مطلوب وهذا صدى الشعراء موسوما بالروعة والجمال: من راقب أفعال البشر ذاق حسرات وِمْنِ الهموم العاصفهْ يِكْتِسِي ثوب بين البشر في نَهْجهمْ اختلافات كلٍّ له أفكارٍ وكلٍّ له اسلوب مِنْ شانِ ما تِلْحِق بِنَفْسِك حسوفات وِيْعِيبك اللي مِنْ خِلِقْ كِلِّهِ عْيُوب لا تِحْرِق أَعْصابك بِخُوضِ الجدالات لو كنت غالب ظنّك البعض مَغْلوب ناصر جمعان آل عوض - وادي الدواسر تجيك ناس تبتلي عرض الأموات ويضيق وسع الكون والراس مقلوب والحلم مطلب قبل فوت الأفوات يبي صبروايضاتحمل مع اسلوب لاتلتفت صوب الذي يقذف اشوات تراه جاهزوالحطب صار مشبوب حمد عبدالله الوايلي - حوطة سدير واحذر من اللي مايبي لك مسرات وخلك مع الادنى والاقصين محبوب والصبر طيب يارجا كل الاوقات يرقيك بالعالي وتبعد عن العوب واللي مايصبر بات عمره بحسرات وما انته معدل عوج كل له اسلوب عيسى الشلاحي -الرياض والحكمة اللي بالضماير امغَبّات ما هيب مثل اللي على السوق مجلوب لا بد ما ياتي نهار الملمّات ويصير فيها راعي الهرج معطوب علي الرشيد - رياض الخبرا وصبرك على بعض العواجه سلامات ماينقصك قدرك ولا انته بمسبوب خله يولي والمشاجر له آفات والعاقل اللي ينسحب منه بسلوب والجهل يندم صاحبه كل الاوقات والحق لو هو له غدا الحق مقلوب عبدالعزيز الصقيري - حايل إصْبر ترى بالصبر فكَّه وحسنات خلَّك شمالي وانتهج نهج أيًُوب والناس اتْركها لرب السماوات المِقْتدي يفهمك و تسلم مِن العوب ترتاح في بالك وتبعد عداوات وتصير بين الناس سالم ومحبوب دنياك فيها الهرج والمرج بالذات وتوسيع صدرك مَطْلبٍ منك مرغوب سعود عائش الحربي - جده لاجيت في جمعا والاصوات لجات خلك وسيع البال والهرج باسلوب لاتندفع فجدال جاهل وعيات الصمت زين وكل عاقل له دروب امسك اسّلوم اللي لهم كل وقفات بالعلم والحكمه لهم فكر منجوب مشعل بن صنت العصيمي- الخرج بيت الأسبوع كتبه للصفحة الشاعر عبطان السويدي من حايل ويقول: سج القدم مادام طاحن الامطار وبان الربيع بكل دار وديره نستقبل صدى هذا البيت خلال أربعة أيام من نشر البيت على إيميل الصفحة: [email protected]