كان بيت الأسبوع الماضي من طرح الشاعر علي الرشيد من رياض الخبراء، ويقول: صندوق سرك قفله خمس قفلات واحرص على المفتاح من كل عاوي وكان صدى البيت من الشعراء: احفظه حفظ العين عن كل شمات ومالك ومال مروجين الحكاوي ابعد عن الأنذال في كل الأوقات يرتاح بالك عن خوى كل خاوي! واترك عفون الخلق بالذات بالذات اللي عليك انطحت تحدث بلاوي عبدالكريم بن خزيّم - البكيرية يالله يالمعبود رب السماوات تكفي بلدنا من جميع البلاوي صندوق قلبك افتحه للصلاوات وافتح بيبان البيت لضيفٍ خلاوي والنفس امنعها من اشهى الشهاوات اللي على ما قيل فيها ملاوي ولا تكثر الحسرات ولا الشماتات الوقت هو الوقت ماهوب ياوي شجعان بن سعود المقاطي - الرياض السر صكه بالصدر عشر صكات ياما احترى لِهْ كَمْ من النَّاسْ غاوي وياكم بغيضٍ يحتري منك هفوات دَايِمْ على الغرات قلبه شفاوي صحيح كتمه بالصدر فيه آهات لكنه ارحم من على الضر ناوي وِلْيَا انحصر بينك وخالقك بالذات تسلم وربك للمصايب مداوي سعود عايش الحربي - جدة السر امانة والنوايا سليمات وإذا فضحت السر سموك غاوي حافظ على الرفقة وقو العلاقات واختر من الاصحاب زين الهقاوي لا تصير ثرثار كثير الاشاعات تثبت الاخبار وارق العلاوي طلال فهد الرشيد - الرياض لا يضيع سرك بين ناقد وشمّات خلك على الأسرار رجلٍ قصاوي ولا ينشغل بالك على كل مافات والبس ليجاك البرد بشتٍ حساوي واحرص على الإحسان والدين بالذات والله يجيرك عن صدوف البلاوي عزيز مقبل العنزي - بريدة لا تضيع المفتاح وتنصاب بسبات وفي طيحتك لازم تصير متساوي كم من مريض صايبه عشر علات وكل الاطباء زارهم والرخاوي سر في طريق الخير مع طيب نيات وافطن لنفسك خل عنك الخطاوي محمد بن عبدالعزيز الخنيفر - أشيقر افطن لنفسك لا يجي فيك هفوات لا من مسكت الدرب لا تصير غاوي وخل التردد وقت روحه وجيات واسلك طريق به حسين الدعاوي وكثر الهذر والهرج وزين الحكايات لاواهني اللي حسين الحكاوي ريان بن محمد الخنيفر - أشيقر خله دفين وسط صدرك مناجات واحفظ لسانك عن كثير البلاوي الناس ماترحم الى جت علامات ولابان علمك وش تفيد الرجاوي لا تقول بكره ليش ذاعت وكالات وسرك يبين وراح عمرك شقاوي حاسب على نفسك وبالك مقالات ضاعت أمورك بين حكي ومناوي حمد عبدالله الوايلي - حوطة سدير صندوق سرك اقفله ست مرات خلك ذهين وجود السر ناوي اليا انكشف سرك تجيك السوالات وتروح فيها مضيع الدرب داوي حب العذراء يدخل القلب بسكات غصب على الاثنين ما حلاه ضاوي كم واحد عانى من الغنج لوعات حتى ايش لو يصبر ما هوب قاوي خليف فهيد الحربي - الرياض نقل الحكي أفسد جميل العلاقات وأصبح صديق الأمس ضدٍّ مِنَاوي يا كثر من يهْوى الفتن والإشاعات مصدر كِدَرْ ينْهل منِِه كلّ غاوي السّر حفْظهٍ من ثقيل الأمانات يا قلّ من صدْره على السر قاوي سرك بِنَفْسك في حرُوزِ وْضمانات لا تظْهِرِهْ حتّى لخِلٍّ مِخاوي ناصر جمعان آل عوض - وادي الدواسر بيت الأسبوع مجاراة لبيت الشاعر رشيد الزلامي -رحمه الله- الذي يقول: يسبك اللي عاجز عن دروبك لا فاعل فعلك ولا هو مجنبك نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة: [email protected]
