كتبه للصفحة الشاعر حمد عبدالله الوايلي من حوطة سدير، ويقول: ان جاكم البرد قلتوا بردها شيني وان جاكم الحر قلتوا سبب الضيقه وكان صدى البيت من الشعراء رضا البشر غاية والكل عارفيني لكن رضاهم صعيب ومنهو يطيقه لو جبت موال مسحوب مع هجيني تلقاه من منطقه فمه ترى يعيقه وان جبت قرص يقول اطلب لنا حنيني وكمن رفيقن يقوم يعاند رفيقه هذي طبايع قديمة عهد وسنيني نقاد حتى الذهب ينقد بتبريقه محمد عبدالله الشهري - جبل أثرب دنياك متقلبه تزين وتشيني وترى الرضا في تِفِهمك انت تحقيقه وهذا هو الوقت من حينٍ إلى حيني مير الضِّجر بالبشر خصله بتعميقه والله على حال هالدنيا يبي يعيني والصبر هو والرضا أسلم طواريقه سعود عائش الحربي - جدة ذى مملكتنا هواها يعتبر زيني وقت الشتاء برها تكثر عشاشيقه بروح للبر من وده يخاويني سوالفن بيننا تيقه وتعليقه ابرفع الصوت والمشحون يوحينى ترا الهجيني تونسني طواريقه فالبيت عندك مكيف يشتغل زيني وفي موترك المكيف زين تعشيقه سعد صنهات السهلي - الدرعية النفس تبغى زمانه دايم زيني ما تقبل اللي يغث البال ويعيقه الوقت له دورة والناس ما شيني والوضع مجهول ومن الصعب تفريقه لازم تعايش مع الوقتين الاثنيني لعل ربي يقدر زين توفيقه علي الرشيد - رياض الخبراء الخَلْقِ بأذواقهمْ دايم فرِيقِينِي طبيعةٍ حطّها الله في مَخَاليقه شيٍّ تَعافهْ وِتَلْقا لِهْ محبّيني و شيٍّ تحِبّهْ وبعْضِ الناس ماتْطيقه ومنْ خلْقِ آدم وخلْقَ الله ملُولِيني يا قِلّ بالنّاسِ من يشكر توافيقه ناسٍ بِجَوّ الشتا بالحيلِ فَرْحيني والصّيف رغم الحراره له عشاشيقه ناصر جمعان آل عوض - وادي الدواسر يالوايلي خذ علومي كان توحيني علوم واحدمجرب يابس ريقه الناس هذي طبايعها من سنيني طبيعه الله جعلها في مخاليقه خلك مع الله وخلك مع هل الديني من يشكر الله بفضله نال توفيقه حميد محسن الحربي كل شي من الله عسى رب الملا يعيني عسى التساهيل من ربي وتوفيقه هذا زمانن به العربان لاهيني ماهو على كيفها ذالوقت ماتطيقه الصبر مطلب ولزم الناس راضيني لاواهني من سلك دربه بتحقيقه محمد بن عبد العزيزالخنيفر - أشيقر ماقدر الله علي المخلوق راضيني خل التأفف يروح الهم والضيقه طقوسنا تختلف ايام وسنيني والادمي مطلبه ياصعب تحقيقه بعض البشر ماتعرف الشين والزيني لاجت طقوسن حذاري يقول ماطيقه ريان بن محمد الخنيفر - أشيقر بيت الأسبوع بعث به الشاعر سعود بن عائش الحربي من جدة، ويقول: المر يبري من كثير العطايب وكم حالي فيه المرض واشتريته نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة: [email protected]
