قناة السوبر المستفزه !

على راسي اتحاد الكرة السعودي ومتحدثه الرسمي بعد توجيهم انتقادات قاسية للقائمين على قناة MBCpro بسبب التركيز بشكل قوي على صور الفتيات في كأس السوبر لانه بهالقطات استفز الشعب السعودي وكل الناس المحبه .. وبالمناسبة هذا شي ماهو جديد على المخرجين العرب اللي ما يصدقون وجود فتيات او عوائل بالملعب يتركون المباراة واللاعبين ويركزون كاميراتهم عليهم جنهم ماهم شايفين خير .. مادري هالناس المرضي ماتتعلم من نقل المخرجين الاجانب لمبارياتهم الدورية ؟ .. بصراحة وهذي وجهة نظر محايدة مباراة السوبر بلندن كانت كلها ايجابيات بكل شي لفريقا الهلال والنصر وقبلهم اتحاد الكرة لان المبلغ يسيل له اللعاب .. بمعني ان كل الاطراف مستفيدة من اقامة السوبر بلندن ما عكر صفوها إلا مخرج النقل الله يهديه بلقطاته اللي مالها داعي جن احد موصيه عليها لاثارة الفتنه بين الجماهير .. وعلاوه على المخرج كان المعلق بوادي اخر من خلال هذرته الزايده عن الحد مادري من مفهمه ان التعليق سرد سوالف من اول المباراة الى اخرها ؟.. وعلى العموم هذا ديدن اغلب معلقين العرب اللي فاهمين امور التعليق غلط .لانهم خلو التعليق ساحة شاعر المليون بقصايد لها مناسبة والكثير منها مالها مناسبة مادري هم يتحاسبون على الكلام وكل مازاد زاد مبلغه ؟ .. على العموم اللي صار صار وهذا درس ينتعلم منه وخيرها بغيرها والله لايفضح لنا ستر (اللهم امين) وسلامتكم .
ألووو اخير : قالوا للذيب حيسرحوك فى الغنم .. قام عيط .. قالوا دا شئ تحبه .. قال خايف يكون الخبر كذب .
محمد خلف الشمري
الكويت