حلم أبو متعب

حلم وتحقق والحقايق براهين
ترسم لنا مجد عظيم انتصاره
حلمك يابو متعب رفع راية الدين
وعلا وطنا في سقوف الصداره
في مثل هذا اليوم من قبل عامين
وضعت للساس الجويد الحجاره
وبنيت مستقبل لكل الملايين
صبح لرواد البسيطة مناره
إنجاز يكتب بالذهب فالدواوين
تجاز فوق الارض لأهل الحضاره
مركز علوم وفي جميع الميادين
يستقبل أرباب الفكر والمهاره
وتسلم يمينك ياحفيد السلاطين
اللي لهم في قمة العز شاره
قائد بتخطيطك ونظرتك رأسين
والعلم بجهودك تعيش ابتكاره
ولي عهدك خير فالعسر واللين
رجل للشجاعة والكرم والجساره
والنائب الثاني لأمن الوطن عين
يرد كيد أهل الفتن والإثاره
حنا دعاة السلم للسلم شارين
واللي بغاها حرب يشب ناره
نسترجع اليرموك وأيام حطين
وللنصر بإذن الله نرفع شعاره
ويبقى الوطن فالقلب ما بين ضلعين
نسعى لتعميره وحسن ازدهاره
وتبقى ثول ماضي وقصة ربابين
وحاضر يبشرها بحلو البشاره
صفوا أهلها مع جموع المهنيين
خير وجميع الناس تجني ثماره
أفراحهم ثارت سوات البراكين
وصدورهم تحمل جميل العباره
نفرح ليا منا مع الركب ماشين
كل يوم في تطوير مشرق نهاره
ونسابق السرعة بهمة نشيطين
تأخذ من العلم المفيد العصاره
وحنا فرحنا في دارنا مطمئنين
في دار أبو متعب سقى الله داره
وصلوا على المبعوث خير النبيين
وفي نصرته ردوا على كل غاره