حوار مع قاحش 2

يالله حيه وين أيامك لك كم يوم مختفي .... يارجال خلها على ربك ... سلامات .. لا مابه خلاف ... طيب وينك ؟ والله مشاوير الحياة ... بعدك ذاك اليوم قلنا يالله نكد ونحصل لنا رزق ونفتك من داويتك وغيرك !!! فلوس أمه وفلوس أخته ..رجيتونا شغلنا السيارة تكسي ... تعال أنت صاحب السيارة الخصوصي اللي تحمل ركاب ... الله الله ها علمك ويش قد معك ... أنت تسرع .. وخير ويش المشكلة ؟ السرعة ممنوعة ! يارجال ماعندك احد .. غيرها ... اشوفك تساقط يمين ويسار .. إيه نبى الرزق إذا شفت راكب حذفت يمين رزق بيلقطه كداد ... طيب عند الإشارة لازم توقف الأول حتى ولو جيت متأخر ... نعم أوقف يمين بس يجيك مرجوج يزعجك بالبوري كنك واقف في شارع ابوه علشان يلف يمين ... طيب .. إذا طولت الإشارة قدمت السيارة قبل الاشارة لين اسمع البواري واحط رجلي ... وقف وقف أنت تتكلم وكنك عايش في ديرة مافيها نظام ولارجال مرور وينك عايش ؟ ياحبيبي رجال المرور والنعم بهم بس ماهم فاضين .. أتحداك تحصل واحد منهم واقف عند الإشارة .. وحتى إذا حصلته واقف عند الإشارة مستحيل يقول لك تحرك وانت واقف في اليمين ولو تقدمت الى وسط الشارع ماعندك احد خذ راحتك ... اسمع جاوبني أنت وين رجال المرور يعني كلهم مداومين في الادارة ؟ ماأدري .. ريحنا بس .. تعال هذي اليومين ولله الحمد مطر ونعمة تعال تفرج في هل التغبيرة يمترون الشوارع روحة ورجعة وين المرور وانت تعرف كم حوادثهم .. هذه صحيح .. بس وين الوعي عند الشباب ريحنا الله يرحم والديك ...أي وعي ... وين درسنا نظام المرور وين تعلمنا قواعد السير ... يارجال علمي بالمرور من اسبوع المرور إلى الاسبوع القادم والسلام .. والله ماجانا يوم حن في المدرسة واحد منهم يعلمنا .. بس يقولون كان رجال المرورأول متواجدين في كل مكان ولهم هيبتهم ... بس اليوم حتى الحوادث سلموها لغيرهم وتراك تبطي عظم إلين يحضر حقون الشركة ... طيب اسمع معك رخصة ؟ كييف ؟ معك رخصة ؟ مايخصك يمكن تعرف احد في المرور تورطنا !! أيه معي ... اسمع والله أني أشوف بعيني ناس يوقف عند الإشارة والدورية موجودة ويفتح الباب ( أكرمكم الله ) ويشوه الرصيف والاسفلت بالش....وما يقولون له شيء ويشهد الله إني اتنرفز بس ماباليد حيلة !! عجيب ويش دخل رجل المرور تبيه حتى على الش... أنت صاحي ... ايه أبي هيبته تخلي الواحد يفكر قبل المخالفة ... لا وعاد بعض السواقين وانا واحد منهم نمشي قبل تولع الاشارة الخضراء ... يارجال إيش قومك اليوم علينا هاشفت الدورية اقبلت ... تستاهل خلك تقول مافيه رجال مرور ... مع السلامة اتمنى لك السلامة ,,
بقلم حسين بن احمد الشريف
خاص بصحيفة نجران نيوز الالكترونية