السلام عليكم ... هلا!! كيف الحال ... هلا!!! تدرس ... كيييف ؟؟؟ أقول ماشاء الله طالب .. يعني تقدر تقول ! معليش مافهمت تدرس أو ... لاوالله .. ليش ... يارجال خلها على ربك الدراسة تعقيد والظروف لاعبه فينا نجيبها يمين تروح شمال ... طيب تعمل ؟ كييف ! أقول تشتغل ... والله شكلك فاضي عايش لحالك ...وحِنا حصلنا عمل ... يارجال البطالة أهلكتنا ... والله حرام ماخلينا مكان مارحنا له ندور عمل ومن جيناه أول كلمة إيش شهادتك ... لوعندنا شهادة ماجيناك ... يا... تسمح لي بسؤال.. تفضل.. وين الاماكن اللي رحت لها وقدمت عليهم ورفضوا طلبك ..؟ والله أنا ما رحت بس العيال يقولوا انهم راحوا !!! وبعدين هذولاء معقدين أهم شيء عند كل واحد يوظف قريبة وبس !! أشوف ماشاء الله سيارة جديدة !! من حلالي .. الله يزيدك ... بس تقول ماعندك عمل ؟ إيه ماعندي عمل ! طيب من فين جات قيمة السيارة ؟ ويش يخصك ! سؤال بس.. السيارة باسمي والاستمارة عندك تأكد إذا عندك شك ... لالا تكرم ! طيب من فين الدخل ( قيمة السيارة ) ؟ يارجال ريح نفسك .. ترى والله احراج .. الله كريم .. ونعم بالله ... بس ماأحد يحصل فلوس في الشارع .. وماشاء الله هنا جوال حلو .. ونظارة شمسية روعة .. اذكر الله .. ماشاء الله ..يعني أمشي بدون جوال ونظارة عشان ترتاح .. لالا ... بس هنا مبالغ يعني ؟ يعني ايش تقصد سارقها ... لا والله ماأقصد .. ياحبيبي الحمدلله الله يخلي الوالده وثنتين خوات مدرسات الله لايحرمنا منهم ماقصروا .. أرتحت خلاص .! لا وازيدك من الشعر قصيدة الحمدلله سمعنا إن فيه راتب من الدولة الله يعزها للعاطلين !! وما من كيس أحد شي كله من الحكومة ... طيب شروط المساعدة من الدولة معروفة وماتنطبق عليك . يارجال بيسهل الله بواسطة .. وكل شيء بيزين ماعليك أنت وخريطك ... ألوه هلا هلا والله.. يالله حيه وين الشباب .. جايكم .. دقايق بس .. عن اذنك تراك والله ماغثني اليوم .. وين رايح بدري !! يارجال مع السلامة الشباب منتظرين مابي أطول عليهم ... شكلهم قريب .. تقول دقايق .. لا والله انهم بعيد بس الله يستر من الشيبان في الخط لايعرفوا يسوقون والمرور الله يعين عليه ... قبل اروح ودي اقول لك كلمتين .. شف لامدرسة وخلصنا !! ولاجامعة وقبلتنا !!! ولاوظيفة وحصلنا !!! إيش تبغون منا ... ننتحر على شان ترتاحوا ... عقدتونا الله يخارجنا منكم .... مع السلامة ... مع السلامة الله يحفظك ويكفيك شر نفسك .. تحياتي ... ربما نعاود المشوار مع هذا القاحش ... بقلم حسين بن أحمد الشريف خاص بصحيفة نجران نيوز الالكترونية
