تشفع وتدفع عنه يوم الشفاعه

مافيه مخلوق من الناس ما التاع
على هله والا عزيز الجماعة
لكنها لوعات ساع بعد ساع
واتخص مهما تحتوي من بشاعه
غير البلاء اللي ياملا يوجع اوجاع
لوعة جميع الخلق كله في ساعه
لا عادها الله ساعة علمها شاع
ولولا البيان اللي صدر قيل اشاعه
منه الدليله في دروب البلد ضاع
وحتى التلفزونات صارت إذاعه
لولا اليقين انقول عاد اله مرجاع
وإلا احتضرنا كلنا في وداعه
تماني وآمال واحلام واطماع
والموت عاق آمالنا والطماعه
لكن عزانا ما عن الموت مجزاع
ولا عندنا على قضاء الله مناعه
والله لو ان له من الموت مناع
لنصف كل نافذ عن ذراعه
هذا فهدنا يوم شانن الاوضاع
يشهر كما حر شهر من رفاعه
المسلمين منصبينه بالاجماع
حامي حمى الإسلام مركز دفاعه
عسى اعماله يوم يمشي على القاع
تشفع وتدفع عنه يوم الشفاعه
وعسى عوضنا فيه في طائل الباع
عبدالله اللي ماخذ من اطباعه
اذراعه اللي يوم كل له اذراع
من هو ذراعه ما دخل فيه راعه
واليوم بايعناه من كل الآصقاع
على كتبا الله سمع وطاعه
بيعة شرف ماهي بحيلات واخداع
قبله ابوه آباءنا من اتباعه
عبدالعزيز معشي الذيب لا جاع
ساس السياسة والدهاء والشجاعة
واختامها بعداد ماهب ذعذاع
صلوا على سيد البشر يا جماعه