الصلح خير

كلمتني وقالت: ويش له نختلف
مايصير الجفا مابيننا مايصير
ويش هاذي (السيوف) اللي معك والشلف
ناوي الحرب لانك ياحبيبي تغير
قلت باالحيل أحبك غلاي لك (مختلف)
ماتلاقين مثلي في الأوادم كثير
تالي الشهر لجلك أقترض واستلف
وامشي العمر حافي في (شموس) الهجير
يا(مزون) أمطريني بالمحبه سلف
ودي أشرب وأروى من مياة ( الغدير)
جبت ال(أصداف) عاني لك بدون أي كلف
ومن (قطوف) ال(خزامى) جبت كل العبير
قالت أرجوك تصدق لاتدور أو تلف
قلت صادق ولكن تكفرين العشير!
ليش يأم ال(جدايل) تتلفيني تلف
وانتي الحب الاول لي . وحبي الأخير؟
ما نبي أي ( فواصل ) دون محلف .حلف؟
جيت صادق ( مشاعر) لك وقلبي كبير
جيت والليل ( قمرا ) لك دعاني الولف
لجل عينك ياسمرا صار قلبي أسير
صدقيني بوعدي لك أبد ما أخلف
جيت يابنت مالي في غيابك نصير
ِبِيدك أكبر قضية حب وسط ( الملف)
كيف أقرر بدونك وجهتي والمصير
قالت أرجوك سامح خل عنك الصلف
قلت مقبول عذرك منك والصلح خير؟
ياهلا بك تعالي مرحباً بك ألف
عد خطوات رجلك من بديتي المسير