لا ترتجي من ضايع العرف مده

ما يزعل الرجال ويبيح سده
ألا ليا شاف أقرب الناس يجفاه
والا تكبر قال ماني بقده
هو يحسب ان المال يدمح خطاياه
وان جيت له مقبل يجازيك صده
وانته تحاول كل شيء تلافاه
هذاك ودك مع حنوكه تشده
وتحط في راسه مطارق وعرقاه
لا ترتجي من ضايع العرف مده
الرزق عند اللي اكبار عطاياه
هذاك عده ضمن الأموات عده
قل مات في هاك الزمان ودفناه
تلقى سنافين يسدك مسده
لو هو من أقصى الناس لا احتجت تلقاه
ياقف معك وان جاك ضيقه وشده
والا الردي جعل المنايا تعشاه
من لا يودك تركه لا توده
خله يروح روحة مقيط وارشاه
قال المثل علم يضايقك بده
والضرس دامه يسهرك خلعه دواه
وباب يجيك بريح رده وسده
ومن دور الناموس يتعب ويلقاه
ومن جاك مخطي وقفه عند حده
خله يعرف ان الرياجيل تقواه
قل عند حدك يا (...) المكده
هذاه حدك وانتبه لا تعداه
ياللي فتنتك المال دايم تعده
خسران يا من باع دينه بدنياه
الغش خافي واظهرت لليل جده
وبانت وجيه اللي من اول مغطاه
سهل بندر حياد المقاطي