اشهد ان الوقت من مبطي يدور بس انا توي دريت بدورته اطرد الدنيا وتاليها دبور كنني عود على باكورته توني للحين في عمر الزهور مادفعت من الزمن فاتورته جيت في عز الحضاره والظهور طحت في وقتي بعزة ثورته عالم تاكل عشاك مع الفطور وكل واحد في يده شابورته الآوادم فالبيوت وفالقصور ماحد يرتاح في مقصورته الكلام الصدق ما يغشاه زور لو قرأ الكذاب في منشورته الحقيقه ثابته والعلم نور كلمة معلم على سبورته من قديم الوقت من ذيك العصور يوم دوب الرجل يستر عورته مايشل الحمل ياكود الصبور من جزع تستقبله مثبورته مادريت ان الزمن جريه حدور لين شفت اشلون غير صورته قدم عيني شفت بركانه يفور واليالي تنقلب مع فورته لو بدا هادي يجي وقت ويثور ما تطفي ثورته نافورته الحياه دروس والدنيا عبور سنة الخلاق في معمورته
