وجه البحر

وجه البحر إحذره لو كان جذاب
وموجه ترى كم واحد قد عثابه
ياللي تجيه ارجوك إياك تنصاب
حتى الشجاعة من تشوفه تهابه
ومن هو يعيش اليوم لابد ما يغاب
وكم شايبٍ بالفكر رجّع شبابه
وعمر الوفاء ما يقدره شخص كذاب
والطيب نوّن ينتثر من سحابه
والناس ملت من عناها والأسباب
ذنبي وذنبك كان تبغى الإجابه
وبعض البشر في لدغته يشبه الداب
وبالمجتمع اشكال ياما تشابه
والوجه الآخر واضح كنه كتاب
فيه السعد فيه الرضاء والرحابه
وفيه الكرم فرحته في شوف الأغراب
وتسعد حياته لا لفوه القرابه
عبدالكريم الخزيم