كتب بيت الأسبوع للصفحة الشاعر عبدالعزيز الصقيري من حايل والذي يقول: ترى المفرط فرصته يستنيري وانا بشيره عن وساويس واحزان وهذا صدى البيت: أوصيك بالتوحيد و افعال خيري اعط الفقير وشرّب الماي عطشان المتقي من ر بنا له مجير ي و المتجه لله ما هو بخسران الله حفظ يوسف وهووسط بيري اعوذ بالله من خلافات لخوان محمد عبدالله الشهري - جبل أثرب لمِفَرِّط عودِته أمْر يسيري دام استنار او تاب او طالِب الغفران ولا تحْزن او تقنط ولَك رَبٍّ كِبيري رحمِته تاسَع لِتايِب او ندمان واقْرَا كِنتب الله ومِنِّه تِسْتِنيري ومَا إلْتِبَس عليك يِتِّضِح ويْبَان سعود عائش الحربي - جدة ترى المفرط فرصته يستنيري وانا بشيره عن وساويس واحزان عساه يلقى غيرها في المسيري يلقى بدلها فرصةٍ ما لها اثمان واللي سعى للخير يبشر بخيري توفيق من رب البشر والِ الأكوان واليأس ما به خير مهما يصيري ما يرّث الّا كل شرٍّ ونقصان كم واحدٍ جا له مصابٍ كبيري ولا توقّف في طريقه ولا هان محمد مقحم المقحم - الرياض يالله ياعلام ما بالسريري ياواحد نرجيك ياوال الاحسان ادمح خطانا يالا له الكبيري وواللي مفرط لاتجازيه خسران فرصة عمر توبة كبير وصغيري والله فتح بابه للاقصين والدان حاتم الشاهر - الرياض بيت الأسبوع كتب بيت الأسبوع الشاعر مشعل بن صنت العصيمي من الخرج ويقول: ليت بعض الناس لامر المساجد يدحر الشيطان ويصلي صلاته نستقبل صدى هذا البيت خلال أربعة أيام من نشر البيت على إيميل الصفحة: [email protected]