معوكس

* الزميل معوكس بعد التحية والاحترام بحكم خبرتك الرياضية ماهي أسباب الاستقالة المفاجئة لرئيس الاهلي الذهبي مساعد الزويهري؟
بندر اليامي - جدة
* الرئيس الذهبي أكل الجو وخلا البعض يفحط يبي نافذة ضوء قال مني ولا من غيري.
*الأخ معوكس المحترم أكيد عندك أمنية ودك تتحقق هالأيام وماهي؟
نايف المطلق - الخرج
* أمنيتي أصير مدير تنفيذي في الاتحادات الرياضية دراهم واجد وصلاحيات كبيرة.
*الدكتور معوكس السلام عليكم ورحمه الله وبركاته وش رايك في عمل الادارة الهلالية السري هالموسم ماعاد ندري عن الصفقات الا بعد التوقيع الرسمي؟
أسامة العجمي - الرياض
* أبو سعد ماعنده لعب حتى مدير مكتبه آخر من يعلم لذلك راح فيها «المتمصدرين».
*حبيب الملايين معوكس بعد التحية والاحترام وش صار على عضو اتحاد كرة القدم الدكتور عبداللطيف بخاري؟
تركي اليابس - المجمعة
* الظاهر سؤال الدكتور موفق الرويلي خلاه يدور حول نفسه وصارت المشكلة مشكلتين.
*الأخ معوكس بحكم خبرتك الطويلة في الرياضة السعودية وكرة القدم خصوصاً هل تتوقع استمرار سامي الجابر مع الشباب؟
سعد الدوسري - الرياض
* الجابر هبّل ببعض الناس لاعب والآن حاسهم مدرب ومانقول الا الا يعينهم.
*أبو العواكيس ماهو تعليقك على قرار مشاركة المواليد في الفئات السنية في المنافسات المحلية!
فهد الراشد - الدمام
المستفيد الجيران والخاسر طبعا الكرة السعودية.
*الأخ معوكس وش صار على قضية حسين عبدالغني والجهازين الفني والاداري في النصر وماتلاحظ ان مشاكل حسين كاثرة؟
ناصر التميمي - الرياض
* حسينوه دربه تساهيل.. ماحد يقدر عليه كاسب ثقة الرئيس.
* زعيم العواكيس ماهو رايك في مستوى التحكيم هالموسم؟
عبدالله المسرحي - أبها
* بعد شمة بخاري ماعاد عندي تعليق.
*معوكس انت شخصية مشهورة ورى ماعندك سناب شات وتصير مثل هالعالم تصور وتأكل بلاش وتسافر بلاش؟
تركي العتيبي - شقراء
* على يدك وأهم شىء كراتين السكري والاخلاص.
*الأخ معوكس بعد التحية من تتوقع يستمر من رؤوساء الاتحادات الرياضية في الفترة المقبلة؟
فيصل الريس - الرياض
* الظاهر مارايح يبقى الا المدير التنفيذي.
*أبو العواكيس من هو أفضل مدرب وأفضل لاعب وأفض إداري وأفضل نادي من جهة نظرك الخاصة؟
سعيد الناصر - الرياض
* لو سويت اختبار حقيقي كان الجميع راحوا لبيوتهم
*الأخ معوكس السلام عليكم ورحمه الله بركاته وش برنامجك خلال إجازة عيد الفطر؟
صالح الموسى - عنيزة
* مقاطعة البرامج عشان اريح نفسي من محللي «القلطة» والفلس وشعراء المهايط
* الاستاذ ابو العواكيس هل قرأت مقالات من يطالبون بتوحيد الصف خلف المنتخب ثم يدخلون السم في العسل وينثرون التعصب في وسط وآخر المقال؟
عبدالعزيز السويدي- الدمام
* لا يهمك هذا من اللي نص مقالاته سرقة عينك عيني واسأل بعض المغردين اللي كشفوه «سوّد الله وجهه».
* الحبيب معوكس هل أنت من يجيب على الاسئلة أم أن هناك من يتولى المهمة بالنيابة عنك؟
سعود العوض- الرياض
* ليه شايفني واحد يلطش مقالات غيره ويشخص بها على أنه مثقف ومحامي؟.
* ممكن تفيدنا يامعوكس عن الحكام اللي كرموهم بالاستراحة ومن اللي سوا لهم الحفل؟
فهد الرشيد- تبوك
* شكله واحد يفحط يبيهم ينتخبونه.
* الناقد الكبير معوكس ماهو تعليقك على اللي يقول امانة اتحاد الكرة تبي احترافية في العمل وهو ما افلح امينا ولا إداري مع المنتخب؟
* وأنت صدقت أن حامل الجداول إلى منزل صديقه المخلوع عنده احترافية.
*الحبيب معوكس ابعث اليك بهذه الرسالة بعد نهاية لقاء منتخبنا وتايلاند.. كيف رأيت المستوى؟
محمد السعيد- عرعر
* منتخب الوطن لو يسلم من إعلام «ابو صياح» ورفاقه كان بخير، والمهم سلم لي على المولد والعابد وبقية الرفاق.
* الناقد الكبير معوكس ايعقل أن يصير السارق محامياً.. والكذاب مؤتمناً على النقد.. والمتعصب ينصح الناس؟
بدر الحمود- نجران
* لا والله مايعقل يابو حمود.. وكلها لطشة مقال وكم بيت باللغة الفصحى ويصدقونهم الغلابا
* الصديق معوكس شفت الناس اللي زعلانين ليش نواف العابد سدد ركلة الجزاء؟
خالد السالم- جدة
* هذولا الله يسلمك نكرات ينضحك عليهم.. يبون المنتخب يصير «منتخب خيرة» على وزنية «قروب خيرة».