ريف اليتامى

اهلاً هلا من قلب وأفكار وإحساس
إعداد ما هلت سحايب مطرها
إعداد ما ذعذع من النور نسناس
وإعداد ما تثمر نوامي شجرها
ولد فهد عبدالعزيز اصمك الرأس
زيزوم جزلات الفعول وفخرها
يفخر به الشعب السعودي على الناس
وذكره يعرفه برها مع بحرها
ريف اليتامى اللي من الفقر يباس
منصى الرجال اللي بعيدٍ نظرها
حر مواكيده طويلات الأرواس
ولد فهد والناس تعرف سيرها
قرناس جايله على وكر قرناس
الفعل فعله والمواكر وكرها
نال المراجل من بعيدات الأرماس
يمناه عن درب العلا ما قصرها
فيه الكرم ماله معايير وقياس
امواج غباتٍ عميقٍ بحرها
يدوس بالرأي المحنك ولا انداس
بيمنى يعدي عن ظماها ظفرها
سموه باسم اللي على قب الأفراس
بالسيف طوع شيوخها مع جبرها
وطوعها اللي يلبس الدرع والطاس
وبين معالمها وثبت حجرها
وبالشرع وحدها وسيس على ساس
وباسمه سعودية عرف معتبرها
مواقفٍ يا سيدي ترفع الرأس
ويشرف الشعب السعودي خبرها
وش هي حياة الرجل من غير نوماس
ومن لا ارتك لحمولها ما قدرها
ومن لا يدوس الصعب بالرأي ينداس
والا تلقيه المعالي ظهرها
ومن لا يصير لشدة الوقت مدابس
مالقته جزل المعالي نحرها
ومن ياخذ الأرياء على غير مقياس
لاحتاجه وقت الشدائد خسرها
وأنت الذي فيك الشجاعة على ساس
طولت يمينك والفهد لك ذخرها
ولد فهد عبدالعزيز اصوك الرأس
تعيش يا نور القلوب وفخرها