سيف دولتنا

عبدالعزيز بن سعيد بن سلطان الحسيني
رحبي يا القوافي واهتفي بالقصيد
خل ليل الحزن يرحل عن منازل حمانا
خل نور الفجر يشرق بالسعادة من جديد
بعد عتم صبحنا والفرح غادر مسانا
رحبي بسيدي صاحب العهد المجيد
نايف اللي نحبه رغبة الشعب ومنانا
الملك شاف اختياره فيه للأمة المفيد
مرحبا ترحيب لأمره جانا مطلبنا ولفانا
نايف الرجل المناضل للملك نعم العضيد
سيف دولتنا وهيبة مشعلة النار في عدانا
يا ولي العهد فينا عهدك اليوم عيد
ضمد الجرح الكبير اللي فيه الله ابتلانا
بيعة الأسرة لسموك منهج الفكر الفريد
قام تأسيسه بحكمه والرضا منها رضانا
لك محبة يعلم الله كل ما تكبر تزيد
وحنا في عيوناك نشوف الغلا من غلانا
كلنا طاعة لأمرك وأمرك السامي رشيد
بيعةٍ لك علينا في المدن وأقصى قرانا
دولة آل سعود دوحة ظلها الوارف مديد
مدت الظل وغطت حدنا وأرضٍ حدانا
شربت الفكر الحضاري من عطاياكم عديد
وخططت تخطيط فايق لآخر أيام الزمانا
يا ملوك الجزيرة يأهل الرأي السديد
عزنا أنتم ومنكم الله أكرمنا وعطانا
نحمد الله لفضله حظنا الحظ السعيد
يوم حط الحكم فيكم منهو في الدنيا سوانا