هواجيس الزمن

جتني تقول الحمل خله على ثنين
لين انفراج الكرب والا المماتي
واقسم هواجيس الزمن بين قلبين
والا ماني حبيبتك يا حياتي
قلت ابشري يا نور قلبي وهالعين
لكن الردى ماهو صفة من صفاتي
أثمن الموقف واشريك بالدين
هذي سواة الله ما هي سواتي
لا تحسين ناسيك يا كامل الزين
انته معي بين الجفن واللهاتي
غلاك عندي ما يبيله براهين
ولا ينوزن يا زين غير بصلاتي
دمك خفيف وزينك ازين من الزين
ربي خلقك آية من المعجزاتي
عندي انا والناس تنظرلك بعين
ودّي يشوفونك بعيني وذاتي
أموت في حبك حاضر وبعدين
وأمشي بدربك لين تحكم وفاتي
أنا معك أول وتالي وهالحين
وأبقى معك يا سيد كل البناتي