كاسبين الطيب

يا فهد ملكك ملكته من أجدادك وبوك
والله اللي شرفك بالمقام اللي عطاك
خادم البيتين والشعب شعبك بايعوك
والقيادة تاجها يا فهد والله زهاك
ما تليق إلا لكم مملكتكم يا ملوك
كاسبين الطيب كله عيال العود ذاك
يا وطن مبناك ما هده املوك بنوك
دون حدك واقفين وحامينٍ حماك
يا فهد عز العرب يا مزبن من نصوك
والله أنا رهن اشارتك يا شيخ ونداك
ساعدك في كل الأحوال عبدالله اخوك
عزك الله من كيان وعز اللي بناك
والثقة في مثل سلطان ما فيها شكوك
يحفظك ربي وزيراً يشرفنا نباك
يا كريمين المساعي حميدين السلوك
من حمل منكم لما نه نقول الله معاك
يا طريق المجد نسل آل مقرن قد مشوك
بارك الله فيك والله يوفق من مشاك
وحدوك بكلمة الله ودينه وحدوك
والله ان العدل حكمك وسيرة مصطفاك
مجدهم علاه رايد فضا ركب المكوك
رايده سلطان سلمان من غيره غزاك
يا بطل لله درك عطيت اللي عطوك
يابن أمير العاصمة سدد الوالي خطاك
معتلي يا مجد فوق الطغاه ولا علوك
لا يهمك يا وطنا دها الله من دهاك
باعت الأرواح لجلك سلاطينٍ شروك
بعد ضرب السيف والشلف وصلوا مستواك
بعد توحيدك دعاة الضلال تحوك حوك
فاسدين وحاسدينك عساهم للهلاك
تدعي بالدين والدرب تذرى فيه شوك
قربت الشله على الموت قربت للوشاك
كلنا حرباً على من غزوك وحاربوك
ما يعيش اللي غزانا على طاهر ثراك
كلنا نجد وتهامه ونجران وتبوك
قد رفعنا راية النصر في عالي سماك
عن سعوديتك يا رجل الأمن الشكر دوك
وقفتك في واجبك عز والواجب دعاك
ينصرك رب المخاليق يرمي من رموك
والله انك حي ما مت لو كلن بكاك
حشدهم يوم احتشد يا شهيد شيعوك
شاكرينك ذاكرينك نسى الله من نساك
قدموك بعز لله درك قدموك
للجنان وحورها بذن معبودٍ خذاك
فراج عواض الرفاعي الغامدي /الحرس الوطني