النوري يفرج كربة كريدي

مشعل الجبوري

بعد عدة سنوات من وفود الشاعر كريدي القشعمي الى ابن مهيد عاد مرة اخرى فوجده متوفى وابنه النوري بمكانه فسلم وجلس فبادره ابن مهيد بقوله:
لماذا تنظر الى الارض ولا ترفع بصرك يا كريدي؟
انني عاشق يا طويل العمر.
وعساك تزوجت من تحب يا شاعرنا؟
خطبتها من اخيها فطلب مبلغا كبيرا من المال وانا لا املك منه شيئا. واضاف كريدي قائلا: ووالدك رحمه الله اغناني من فقر وكفلني واليوم انت بمكانه يا ابو ثامر.
قال ابن مهيد: الذي يحب البنات يقول شعرا واذا انت قلت قصيدة بمن تحب ابشر بها يا كريدي؟
كريدي القشعمي: نعم قلت ذلك واخذ ينشد:
البارحه بالليل هاجن ضمايري
وغديت اولف مبهمات القصايد
يا سامع قولي تسمع لقصتي
تراك ترى من وراها الفوايد
اقولها والله عليم بعلتي
وشبن بقلبي مسعرات الوقايد
ليا ابو ثامر جاض قلبي من العنا
يا الليث الاروع ياوسيع البدايد
يا عزوة المضهود لاضكه الجفا
لاصار بشدادك تزيل الضهايد
لي عشقة ما دوبح الوقش حولها
ولا جاضعه مع طايلات الوسايد
حق على مثلك لمثلي تجيبها
يا راعي العادات يا ابو العوايد
غرون قتلني وغثني ثم سمني
انخاك ياراع العلوم البعايد
لو جمعوا لي كل بنات البداوا
ما اطوف محبوبي ولاني محايد
الا ليا قالوا تنقا خيارهن
هي نقوتي من لابسات القلايد
والله يا ابن مهيد قلبي يحبها
الله لا يقطع سبب كل رايد
يا ابو اليتيم ليا فقد بر والده
تصير له من جملة الناس والد
انتم هل العادات والمد والعطا
مستارثينه قايد باثر قايد
مهيدات لاشح الندا واقحط المطر
تنقص علوم الناس وانتم بزايد
سقا الله دار ينزل به بيوتكم
الخير يكثر به والارزاق واجد
لا كذبوني دحوش الانذال بالملا
سنين الردا يردن عليكم شهايد
وانتم يا ابو ثامر سنادي ومسندي
والحيط ما يركز بليا سنايد
ليا ابو ثامر خذت روحي وخلتن
ماضل عندي كود عض النواجد
اسرع بها يا امير حاضر بحاضر
لا يذبحني مبعدات الوعايد
ياللي ضعوف الناس ينصون بيتكم
لاقلت الارزاق بقران واحد
ياراعي العليا زبنتك بعشقتي
ولا خيب الله عند الاجواد قاصد
عموشية لعبت بقلبي وصادتن
صيد الوحش بمسهلات رهايد
بسلامة ابن مهيد عودت صدتها
وكل صايد ياتيه من الله صايد
جابه بكثر المال ليه وليده
قرم لياعدوا قروم ولايد
يعيش مصوت بالعشا يوم جابها
وادعا ضميري من غثا البين هايد
وصلوا على اللي تنفع الناس دعوته
اللي دعا للدين كل العقايد
دعا الله سيدنا والله استجاب له
وخلا السنه الشهبا تجي بالحصايد
المصدر: صور من الصحراء للكاتب، الجزء الاول، 1409ه الطبعة الاولى