ليه تأخرتِ عَلَيّْ؟!..

ومرّت الأيام والله.. وانتي حلم..
ليه تأخرتي علي..
توهي مرّه واسألي..
كوني في غير الزمان..
والاَّ في غير المكان
كوني عمري.. عمري كلّه
اللِّي باقي.. واللِّي كان
انتظرتك عمري كلّه.. وإنتي حلم
كل نجمه شعشعت والقلب عتمه..
كانت إنتي..
كل حرفٍ حرَّك شفاهي بكلمه
عنَّك إنتي..
وكل حبي اللِّي مضى والحب قسمه
.. منِّك إنتي..
كانوا الأحباب ظلِّك..
بعض إحساسك..
ما عرفتك يوم كلِّك.. ياللِّي في غيابك
حضورك..
انتظرتك عمري كلّه.. وإنتي حلم..
هذا إنتي.. قولي والله إنه إنتي..
وين غبتي؟! عني هذا الوقت كلّه
وين كنتي؟!..
شّيّبت عيني طيوفك.. وما أصدِّق
إني أشوفك..
ياللي قلبي في كفوفك.. نقش حنّا..
وفي جديلك عطر ورد..
وفي سموم ضلوعي برد..
ليه تأخرتي علي..
وماطرى لك تسألي..
انتظرتك عمري كلّه عمري كلّه
وإنتي حلم
- بدر بن عبد المحسن